Weblezannu 10:13 - Kazambale lé Sebe Sauunu 1979

¹³ Naa, ’kaa, ka an vo yé ka bale bɛnu bɔ. Bɛwemalé maa ’ka dan ka vo lɛ kabo ma é dɛrɛ lo.

Weblezannu 10:13 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 12:5

Roboam valé Juda nwiinzannu Sisak ye dana aan wo, wo gyɛ ’wo zuo Jérusalɛm zia. Yé balelayezan Sémaéja go wo va yé é lé wo lɛ léé: Gakelebale léma: Ka sɔn vɔ an ma; ye maa, an sɔn vɔ ka ma, amalé maa ka pa Sisak lee.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 21:10

Édom munu é sɔn vɔ Juda plale wo nwiin ma fɔɔ kyɔ. ’Bɛ bléyi duo nya, Libina munu sɔn vɔ a plale ’wo nwiin ma. É sɔn vɔ Gakelebale é tranu lé Bale ma, azama.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Weblezannu 10:14

’Ka go, balenu lé ka wo si, ’ka wo laa; ’wo ka vo kabo ma kalé nyanéble bléyi va ma!

Weblezannu 2:12

Wo si Gakelebale, wo tinu zé Bale lé é wo si Éjipiti tɛrɛ la, a zuo, yé wo go bale bɛnu zuo, munu lé wo ke é nyanale wo zi, wozé balenu zuo; wo ’wuo tua ’bɛnu lɛ, yé wo Gakelebale bli nwa.

Weblezannu 2:19

Naa, dé weblezan ga, ’té wolé we sɛrɛ é ziin é mini wo tinu zé la, ’té woo tawoo bale bɛnu zuo, ’té woo wo bɔa, ’té woo wo ’wuo tuaan wo lɛ, yé wo yara pa ’wo kɛlɛwenu valé ’wo tɔnéiyuyu kɛlɛle ta tegele.