Weblezannu 1:7 - Kazambale lé Sebe Sauunu 1979

⁷ Adoni‐Bézɛk léma: Minwiinzan yɔ yaa wɔlɛ vu lé wo bɛnwɔlɛ gɔnénu valé wo ganewɔlɛ gɔnénu ke é bɔile, fɛblelenu lé wo dian anlé tablé wuo, yee lé wa blé. We lé maa a kɛlɛ, yee lé Bale a kɛlɛ an lɛ. Yé wo go a nya Jérusalɛm, yé é ga ’bɛna.

Weblezannu 1:7 ပူးပေါင်းရင်းမြစ်များ

1 Minwiinzannu 21:19

Bé fe a lɛ léma: Gakelebale léma: Bii ’ka migyɛzan valé kyeenwozan nya loo? Yé bé fe a lɛ léma: Gakelebale léma: Fɛana lé blénnu Nabɔt nyɛ flan, ana duo lé wo dan ibozen nyɛ flan lɛ.

Fwile 29:20

’I ’blagɔné bɔrɔ bo; bé nyɛ si yé bé gié Arɔn bɛyila tɔné bɛné koo, a benu bɛyila tɔné bɛné koo, wo bɛyila bɛnwɔlɛgɔné koo, wo bɛyila ganewɔlɛgɔné koo, wo ma, yé bé nyɛ zén balebanna la fɛfaana.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Sofoni 3:19

Ka ye, ’bɛ bléyi va, munu lé woo yaan ka ta, maa dan we kɛlɛ lɛ wo faa lɛ; Maa dan gane suruzannu béli lɛ, yé munu lé wo so wo va, maa dan wo zén lɛ ékeva; Tɛrɛnu faa lé wo serele bo wo ma wo ta bɛ, Maa dan wo kɛlɛ lɛ ’bɛnu ginanamafɛ valé tɔbɔfɛ nya ’bɛna.

Rom munu 2:15

mi lé wekɛlɛbɛ lé bélidɔwe a fe, wa nagɔɔn‐an léé, wa dɔɔ ’woboan ’wo bli gi, wolé wevasibli ana we fé, ’té wo gi bɔrɔlenu éé we dɔa wo nwiin, ’té éé we sié wo nwiin é ke zuo é ke zuo.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Weblezannu 1:6

Adoni‐Bézɛk vlan buru, naa, wa zuo bin yé wa kun yé wa bɛnwɔlɛ gɔnénu valé a ganewɔlɛ gɔnénu bɔi.

Weblezannu 9:24

glawe lé é a kɛlɛ Jérubaal be yɔ yaa wɔlɛ vu lɛ, a lɛgi pale we gi, yé wo nyɛwe ’é dɔ wo bwe Abimélɛk lé é wo gyɛ, a nwiin, ’é valé Sisɛm munu lé wo bɔ a va a bwenu gyɛna, wo nwiin.

Weblezannu 9:57

Yé wenaané faa lé Sisɛm munu a kɛlɛ, Bale a faa dɔ wo nwiin. ’Bɛ zo lé Jérubaal be Jotam lé balepale wo kun.

1 Samuɛl 15:33

Samuɛl léé: Ilé gwɔun nénu si lomu lee fɛan zo, a zo duo lé i bu é dan vuru lɛ é be ma lomu méléna. Yé Samuɛl Agaga bɔi é kuru nya Gakelebale ’lɛ, Gilgal.