Weblezannu 1:27 - Kazambale lé Sebe Sauunu 1979

²⁷ Bɛt‐Séan valé é zi flanu koo, Taanak valé é zi flanu koo, Dɔɔ valé é zi flanu koo, Jibléam valé é zi flanu koo, Mégido valé é zi flanu koo, Manasénu ’ka wona munu bin lɛ lo; yé é sɔ Kanaannu lɛ léé, ’wo vo tɛrɛ ’ko la.

Weblezannu 1:27 ပူးပေါင်းရင်းမြစ်များ

1 Minwiinzannu 9:21

wo kulunu lé wo vo ana tɛrɛ la yé Izraɛl lé nénu ’ka bɔ lɛ wo gyɛle lɛ tata gwɔun nya lo, Salomɔn wo kɛlɛ luunu nya, yé wo vo ’bɛ nya fɔɔ kyɔ yi nya.

2 Minwiinzannu 23:29

Jozias bléyi va Éjipiti nwiinzan Faraɔn Néko go Asiri nwiinzan ma, Yufrat yuu ma zia. Minwiinzan Jozias go zi dɔ lɛ a ’lɛ; Faraɔn a ye tɔɔn, é a gyɛ Mégido.

2 Minwiinzannu 9:27

Juda minwiinzan Akazia ’bɛ ye, yé é vlan buru zian féi kɔn vazia. Jéu a zuo bin, yé é léé: Yee é ziin, ’ka a gyɛ goro gi. Yé wa gyɛ Guu gɔ ma, Jibléam sɔnɔ. É go é ta yɔɔ lɛ Mégido, yé é ga ’bɛna.

Fwile 23:32

Té i gi pa do wo va lo, té i gi pa do wolé balenu va lo.

Jérémi 48:10

Mian éé Gakelebale lé nyanama paan yuɛgi blan nya, ’wo bale pa a ma ma; Mian é léé, té élé gwɔun é mi gyɛ lo, ’wo bale pa ’bɛzan ma ma.

Bélidɔwesɛbɛ Fiézan 7:2

Dé Gakelebale, kalé Bale wo pa ka lee yé ka wo kele, ’ka wo gyɛ tata; té ka gi pa do wo nya lo; té ka wo ma we vo lo.

Jozué 21:25

Taanak valé é zi tɛrɛnu koo, Gat‐Rimɔn valé é zi tɛrɛnu koo, wo yee fla fié ’ko si Manasé bɛn lɛgɔnɔ do gi.

Weblezannu 1:1

Jozué gale zuo, Izraɛl lé nénu we laa Gakelebale lee léé: Ko va mi kyɛɛn ɛ dan nwa lɛ é vinin gulidanle Kanaannu va we maa?

Weblezannu 1:21

Jébusinu lé wo ke é nyanale Jérusalɛm, Bɛnjamɛnnu ’ka wo bin lɛ lo; yé Jébusinu vo Bɛnjamɛnnu va fɔɔ kyɔ.

Weblezannu 1:26

Mi ’ko go Étinu lé tɛrɛ la; é fla do pa, yé é a tɔ pa Luz; tɔ ’ko a a ma fɔɔ kyɔ.

Weblezannu 1:28

Dé Izraɛl plɛplɛ taa ye, wo Kanaannu kɛlɛ lɛnpo banwomunu nya ’wo lɛ, naa, wo ’ka wo bin lɛ lo.

Weblezannu 5:19

Minwiinzannu da, wo guli dan Yé Kanaan minwiinzannu guli dan Taanak, Mégido ’yinu sɔnɔ. Wo ’ka gulizarafɛnu valé gɔɔlifu si lɛ lo.

1 Samuɛl 15:9

Naa, Agaga koo, ’bla zimanu koo, dirigɔné zimanu koo, wi zinnu koo, ’blané nyɔnɔzannu koo, fɛnu faa lé ke é zima koo, Saul valé munu wo tadɔ, wo ’ka a va léé, wa sɛrɛ lo, naa, serelebomafɛnu valé fɛ naane saa lé wa sɛrɛ.

1 Samuɛl 31:10

Wo Saul lé gulidanfɛnu pla Asataténu lé kɔn gi yé wo a gale pa kɔn guru ma Bɛt‐San.