Weblezannu 1:16 - Kazambale lé Sebe Sauunu 1979

¹⁶ Moizi na ti Kéni mi benu si yɔwuofla la, wo valé Juda benu nya, yé wo go Juda lé fɛna bwi la, Arad yirinwana bɛyilazia, yé wo nyana anamunu va.

Weblezannu 1:16 ပူးပေါင်းရင်းမြစ်များ

Minwiinzannu lé Wezuofe Sɛbɛ 2:15

a suiɛdozan a Osɛm nya, a sɔrafiézan a David nya.

Minwiinzannu lé Wezuofe Sɛbɛ 2:55

sɛbɛgyɛzannu gɔnɔlazannu lé wo ke Jaébɛs, wa Tiréatinu koo, Siméatinu koo, Sukatinu koo, wo nya. Wa Kéninu lé wo si Amat gɔnɔ gi, wo nya, yé Amat a Rékab gɔnɔlamunu faa ti nya.

2 Minwiinmunu lé Wezuofe Sɛbɛ 28:16

’Bɛ bléyi va, minwiinzan blɛn Akaz mi nwunvɔ Asirinu nwiinzan blɛn va, léé, ’é da bɔ ’é va.

Fwile 18:1

We faa lé Kazambale a kɛlɛ Moizi valé alé munu Izraɛl pli zi, Madian lé balebanzan, Jétro, Moizi na ti a ’ma; é a ’ma léé, Gakelebale Izraɛl munu si Éjipiti tɛrɛ la.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 18:27

Moizi zi nɔ é na ti Jétro lɛ, yé é go élé tɛrɛ la.

Fwile 18:7

Moizi go é na ti si lɛ zia, yé é dia é bli la, yé é a tuu gyɛ. Wo wo ke sina laa, yé wo wɔra Moizi lé sɔkɔn wuo.

Fwile 3:1

Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Fwile 4:18

Moizi go; é bɔ é na ti Jétro va aan wo, é lé a lɛ léé: Ilé zanté, ’i zi nɔ an lɛ, an go an bwenu lé ke Éjipiti tɛrɛ la, wo va, yé dé wa é yuɛmaa? yé maa ye. Jétro lé Moizi lɛ léé: ’I go drɔɔ.

Jérémi 35:2

’I go Rékab munu lé kɔn ’léé yé ’i we fe wo lɛ. ’I go wo nya Gakelebale lé kɔn gi, kɔnmi zi do na, yé ’i dɔrɔ nɔ wo lɛ ’wa mini.

Mi Nɔnɔle 21:1

Arad mununwiinzan blɛn lé é ke Kanaan mi nya, éé nyanaan yirinwana bɛyilazia tɛrɛ la, é a ’ma léé, Izraɛlnu a dana Atarim zi ta. É guli dan Izraɛl va, yé é mi kenu kun guli ma.

Matio 3:1

Bléyi ’ko va mi batizéwozan Jan bɔra; é Kazambale lé we fe Judé bwi la.

Bélidɔwesɛbɛ Fiézan 34:3

yirinwana bɛyilazia tɛrɛ koo, Juudɛn yuu ma tɛrɛnu koo, Jériko gɔ gurui tɛrɛ koo, é sia yɔwuofla ma fɔɔ yé é bɔ Soaa, ’bɛ koo, é wo faa gɔɔn a lɛ.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Jozué 12:14

Ooma nwiinzan a do; Arad nwiinzan a do;

Jozué 18:21

Bɛnjamɛn bɛn lé flanu lé ke ’ko, wo gɔnɔla ma gɔnɔla ma: Jériko koo, Bɛt‐Ogla koo, Émɛk‐Kɛsit koo,

Weblezannu 1:15

É lé a lɛ léé: ’I blɛ taa kɛlɛ an lɛ, naa, i tɛrɛ nɔ an lɛ yirinwana bɛyilazia; ’i ’yibɔnanu nɔ an lɛ é ziin. Yé Kalɛb loruzia ’yibɔna valé tɛrɛ zia ’yibɔna nɔ a lɛ.

Weblezannu 3:13

Églɔn Amɔn benu valé Amalɛk benu zén ékeva ’é va, yé wo go wo va guli dan lɛ. É Izraɛl kele guli nya yé é yɔwuofla si.

Weblezannu 4:11

Kéni mi Éébɛɛ si Kéni munu va yé élé sɔkɔn dɔ Sanaim sɛnéyili wuo, Kédɛs sɔnɔ. Kéninu a Moizi na ti Obab kulunu nya.

Weblezannu 4:17

Sizéra vlan buru é gane la Kéni mi Éébɛɛ na Jaɛl lé sɔkɔn vazia; naa, vole drɔɔ a Asɔɔ minwiinzan Jabɛn valé Kéni mi Éébɛɛ worona, ’bɛzama.

1 Samuɛl 15:6

É lé Kéni munu lɛ léé: ’Ka si Amalɛknu méléna, ’ka go, té ka zamaga wo wo nya lo we gi; naa, ka wezin kɛlɛ Izraɛl lé nénu lɛ, wo sile Éjipiti bléyi va. Yé Kéni munu si Amalɛk méléna.

1 Samuɛl 27:10

Akis léé: I tawo kyɛn kyɔɔ? Yé David lé a lɛ léé: Juda yirinwana bɛyilazia koo, Jérasméɛlnu lé yirinwana bɛyilazia koo, Kéninu lé yirinwana bɛyilazia koo, wona lé.

1 Samuɛl 30:29

Rakal munu koo, Jérasméɛl munu lé flanu koo, Kéni munu lé flanu koo,