Tite 3:5 - Kazambale lé Sebe Sauunu 1979

⁵ É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.

Tite 3:5 ပူးပေါင်းရင်းမြစ်များ

JOB (Job) 15:14

Mɛ fɛ lé ke blami nya yé a gi éé bɔaa? Mi lé le a yaa, é bɔalɛ é kɛlɛ tegelee?

JOB (Job) 25:4

Mi é bɔalɛ léé, é kɛlɛ tegele Kazambale yuɛ gi kaa? Mi lé lezan a yaa, a gi éé bɔa kaa?

JOB (Job) 9:20

Dé anlé we a tegeleoo, an lɔlu é dan we dɔ lɛ an nwiin, Dé we ’ka an nwiin looo, é dan an gyɛ lɛ we nya.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 143:2

Té i kun i wuozan lé weblele ma lo, Naa, mi yuɛmalenu va mi do kpen ’ka tegele i yuɛ gi lo.

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Lɛrɛvɔ Sɛbɛ 62:12

Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Ézai 57:12

Maa dan kalé we tegele zana dɔɔ lɛ, yé ka ’ka dan tɔnɔ ye lɛ ka kɛlɛwenu gi lo.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

WENÉNÉ LÉ LUK A GYE (Évangile selon Luc) 1:50

Munu lé woo kanaan a lee, a nyanai éé zén‐é wo ta lɛɛfaama.

WENÉNÉ LÉ LUK A GYE (Évangile selon Luc) 1:54

É bɔ é wuozan Izraɛl va, Abraam valé é kulunu sele a a gi, yé a nyanai éé zén‐é wo ta lɛɛfaama, Fɛan zo lé é a fe ko tranu lɛ, a zo.

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

WENÉNÉ LÉ LUK A GYE (Évangile selon Luc) 1:78

Nyanai zén bli vɔ kolé Bale gi, Amalé é san bi ko la bélé bladi yiri zo,

Rom munu 11:14

yé dé an bɔa lɛ, yé maa an bɛnnu lé maawole nwa, wo va mi kenu sile we gi we ma.

Rom munu 11:6

Naa, dé Bale wo si a va élé zin yɛrama, ’té kɛlɛwenu ’ka a va é dɛrɛ lo; dé ’bɛ kaan lo, ’té zin ’ka zin nya é dɛrɛ lo.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 3:20

Naa, mi do kpen ’ka dan kɛlɛ lɛ tegele a yuɛ gi bélidɔwe kɛlɛwenu nya lo, naa, bélidɔwe éé mi bɔn‐in kinié léé, ’é a wenyanékɛlɛzan nya.

Rom munu 3:28

Naa, é dɔ ko gi léé, mi éé kɛla tegele blipale ma, ’té bélidɔwe kɛlɛwenu gin ’ka a ma lo.

Rom munu 4:5

yé mian é ’ka dɔa a gi léé, ’é bélié élé nyanama ma lo, yé é bli voo mi lé éé Kazambale lé zi ma wenyané fezan kɛla tegele, ’bɛzan lɛ, a blipale éé kɛla a ma we tegele nya.

Rom munu 9:11

Kazambale lé mi va?-?vobɛ lé ke ’ko: é ’ka mi sié a va wo kɛlɛwenu ma lo, éé wo laan é wo. ’Bɛ lé we ma lé, dé Rébéka ’ka tan nénu ’ko yaa lɛ lo, ’té nénu ’ka tan wenyané valé wezin kɛlɛ lɛ lo, Kazambale lé Rébéka lɛ léé, a vininzan é dan pla lɛ é zuané wuo. ’Bɛ a gɔɔn léé, Kazambale dɔ ézé ta tegele.

Rom munu 9:16

Bɛwemalé we ’ko ’ka sié mi lé a we sɔ a lɛ, azan va lo, yé é ’ka sié mi lé é a ma kwa kulian, azan va lo, naa, Kazambale lé, a nyanai éé zén‐é, a va lé éé sié.

Rom munu 9:30

Bɛwemalé, mɛ we lé ko féé? Bɛn bɛnu lé, wo ’ka kɛlɛle tegele naginina é vinin lo, wo kɛlɛ tegele; kɛlɛle tegele lé éé sié blipale va, yee lé wa ye;

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

Galasi munu 2:16

Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.

Éfez munu 2:4

Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi.

Éfez munu 4:23

yé Kazambale Léli ’é ka kɛlɛ mi dɛrɛnu nya ka ’wuogibɔrɔlenu gi,

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Kolɔs munu 3:10

yé mi dɔbɛ dɛrɛ lé éé goo é tavɔɔle nya we dɔɔle gi ’é kɛlɛzan yɛrama bɛ, ’ka ’bɛ si.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Tite 3:4

Naa, dé ko Siéwegizan Bale élé wezin valé élé mi va sɔlɛle gɔɔn munu lɛ bléyian va, é ko si we gi.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

Ébrunu 6:6

dé wo diéra, ’té wa Kazambale Be gyɛna é ziin yiliblan ta yé wa yaragyɛwe bɔna a ma, bɛwemalé mi ’ka bɔa dale lɛ wo nya wo pa gi yé wo ’wo bli nɔla é dɛrɛ lo.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 2:10

É vinin, té ka a é pla, naa sin, ka kɛlɛ Kazambale bɛn nya. É vinin Kazambale nyanai ’ka zén lɛ ka ta lo; naa, sin a nyanai zén ka ta.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.