Tite 3:2 - Kazambale lé Sebe Sauunu 1979

² té wo mi do tɔ sɛrɛ lo; ’wo kɛlɛ mi drɔɔnu nya; ’wo kɛlɛ mi bli dɔralazannu nya; ’wo kɛlɛ bli drɔɔzannu nya munu faa va.

Tite 3:2 ပူးပေါင်းရင်းမြစ်များ

2 Samuɛl 22:36

I ilé sile we gi no an lɛ, an takuunfɛ nya, Ilé zin ma lé an kɛla mi blɛn nya.

Lɛrɛvɔ Sɛbɛ 140:11

’Wo kyɛnyɛ zén wo ta ma. ’Wo wo vuli kyɛ va ma, ’Wo wo vuli gurunu lé wo ’ka bɔa bɔrale lɛ wo gi lo, wo wɔlɛ ma ma.

Wegɔnévɔlenu 19:19

Mi lé a bli éé flian é baba é dan a ma ban ye lɛ; naa, dé i bɔ a va, i dan da lɛ bɔ lɛ a va é ziin.

Wegɔnévɔlenu 25:24

Nyanale kɔn béli ma fila vɔ é mini nyanale kɔn gi drɛwo le va ta.

Wegɔnévɔlenu 6:19

dabli wenayezan lé éé vié woo koo, mi lé é bwenu vɔa ékema koo, woo lé.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

Kelewenu 23:5

Yé Pɔl léé: An bwenu, maa ’ka a gi dɔɔ lɛ léé, é a Balebanmunu ’lɛzan nya lo, naa, wa gyɛ sɛbɛ gi léé: Té i dére naané fe ilé munu nwiinzan ma lo.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

1 Korent munu 9:19

Maa a anboma; maa ’ka mi wuo lo. Naa, maa kɛlɛ munu faa wuozan nya mi kiɛre boen yele we ma.

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 6:1

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

Filip munu 4:5

Munu faa ’é ka dɔɔ bli drɔɔzannu nya ma. Mizan bɔ é pu.

1 Tɛsalɔnik munu 2:7

Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo.

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

1 Piɛri 2:1

Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.

1 Piɛri 3:10

Dé é sɔ mian lɛ léé, élé tɛrɛla ’é kɛlɛ néné, Yé ’é gi nana yinu ye, ’É yuɛ pa ébo va wenyané fele ma, Yé ’é yuɛ pa é lɔlu va dabli dérenu fele ma.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 4:4

Sin, ’bɛ zo wenu lé mi ’ka a kɛla lo, ’té wa kɛlɛna bélé blii lé, ka péli ’ka é vɔle wo va ’bɛ kɛlɛna é dɛrɛ lo, amalé wo gi vuru, yé wa ka tɔ sɛrɛna.

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

SEBE LÉ JUD A GYE (Épitre de Jude) 1:10

Naa, munu ’ko, wozé a é yɛrama. We lé wo ’ka a gi dɔɔa lo, yee lé woo a ma we fé sɔnɔdére nya, yé we lé wa dɔɔ woboan bélé winu lé wedɔɔle zo, wo ’wobo sɛra a gi.

SEBE LÉ JUD A GYE (Épitre de Jude) 1:8

Naa, duowo, nyɛgyɛmunu lé wo da ka méléna bɛ, wo ’wobo kɔlɛ tiri dɔa, ’té woo minwiinzannu yé wo yuɛ gi boamunu nya, ’té woo laifuanu sɔnɔan.