Tite 3:14 - Kazambale lé Sebe Sauunu 1979

¹⁴ Yé é a lé ko we paa kolé munu gi léé, ’wo wezin kɛlɛ, fɛnu lé munu mawe ke wo gi é kele bɛ, a nɔle wo lɛ we ma, té wo kɛlɛ munu lé wo ’ka tɔnɔ yé lo, wo nya lo.

Tite 3:14 ပူးပေါင်းရင်းမြစ်များ

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Matio 21:19

É bɔrɔyili ye zi ma yé é bié a ma, naa, a laa saa lé é a ye a nwiin, yé é lé a lɛ léé: Té i poro é baa é dɛrɛ monomono lo ma. Tɔɔn bɔrɔyili ga.

Matio 7:19

Yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 15:8

Dé ka baan di, ’bɛ a gɔɔn léé, ka a an zuomunu nya, yé ’bɛ é dan an Ti tɔ bié lɛ.

Kelewenu 18:3

Wo faa panyanama ke aan wo do, yé é nyana wo va yé wo nyanama pa ékeva. Wa sɔkɔn kɛlɛzannu nya.

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Rom munu 12:13

Fɛnu lé Kazambale lé munu mawe ke a gi, ’ka a nɔ wo lɛ. ’Ka munu bɛn si é zima.

Rom munu 15:28

Dé an we ’ko kɛlɛle lɛ sɔɔ faa, dé maa blɛ ’konu nɔ wo lɛ, maa dan go lɛ Esipanye yé maa gié ka vazia.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 4:16

Naa, fɛnu lé an mawe ke wo gi, ka wo pa an lɛ zia é kwakwa Tɛsalɔnik gɔnɔ fié.

Filip munu 4:17

É ka kɛlɛ lɛ léé, maa a blɛnu ginina lo; naa, é sɔ an lɛ léé, ka tɔnɔ ye yé ka gooli ye a ma.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

2 Tɛsalɔnik munu 3:8

ko ’ka mi do kpen lé fɛ ble lɛ é pla lo, ko lɔa é wo; naa, tu valé é kinile ma, ko nyanama paan, ’té ko nyané blé, té ko kɛlɛ mi do kpen nwiin kɔné nya lo we ma.

Tite 2:8

’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

2 Piɛri 1:8

Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.