Tite 2:3 - Kazambale lé Sebe Sauunu 1979

³ ’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

Tite 2:3 ပူးပေါင်းရင်းမြစ်များ

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

Rom munu 16:2

’Ka a kun Kazambale lé munu lé mi kunbɛ nya, Kaazan lé we ma, yé dé a mawe dɔ fɛan gi, ’ka bɔ a va. É bɔ mi kiɛre va, yé é bɔ maabozen va, ’bɛzama.

Éfez munu 5:3

Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

1 Timoté 3:8

Léglizi wuozannu é ziin, é a lé wo kɛlɛ mi tegelenu nya. ’Wo si dabliwenu koo, nwɛ minile baba koo, bli bɔle gɔɔli ma koo, wo ma baa;

1 Timoté 5:23

Té i vo ’yi saa minina lo, naa, i bɔn‐in koo, i ma lé é ’ka bɔa lo koo, wolé we ma lé ’i dɔrɔ sɛnésɛné mini.

Tite 1:7

É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

Tite 2:4

É a lé wa paa gɔné na boronénu gi léé, ’bɛnu ’é ’wo zananu valé wolé nénu lɔrɔ pa,

Ébrunu 5:12

Naa, ka lé ka namɔn, ’té é a kɔɔn léé, ka kɛlɛ wepaamigimunu nya, ka mawe a a gi léé, ’wo Kazambale lé we pélisiana vininnu paa ka gi é ziin. Ka kinin munu lé wo mawe ke a gi léé, ’wo nyɔ minian, ’té wo ’ka fɛ plɛplɛ va lo, wo nya.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.