Tite 2:12 - Kazambale lé Sebe Sauunu 1979

¹² Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 2:12 ပူးပေါင်းရင်းမြစ်များ

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.

Lɛrɛvɔ Sɛbɛ 4:3

Blaminu, bléyi kyɛn va lé ka dan daan lɛ an tɔbɔzan sɔnɔle maa? We pla saa ɛ sɔ ka lɛɛ? Ka dan daan lɛ viéwe naginile ma mɛ bléyi vaa? Ka ye do.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Matio 12:32

Dé mian é wenyané fe maa blami Be ma, Bale é dan a ma we vo lɛ, naa, dé mian é wenyané fe Léli Sauun ma, Bale ’ka dan a ma we vo lɛ ’bɛ ma lo, dé é a tɛrɛ la ’ko nyaoo, dé é a tɛrɛ dɛrɛ lé é dan da lɛ bɛ, a ta nyaoo, Bale ’ka dan a ma we vo lɛ lo.

Matio 16:24

Yé Jézu lé é zuomunu lɛ léé: Dé é sɔ mian lɛ léé, é da an zuo, ’é bli si ébozen lɛ yé ébo lé yiliblan sia yé ’é da an zuo.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

WENÉNÉ LE JAN A GYE (Évangile selon Jean) 6:25

Wo Jézu ye aan wo wɛyi zi, yé wo lé a lɛ léé: Kozan, bléyi kyɛn va lé i da ’koo?

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Kelewenu 24:25

Naa, we tegele koo, mi lé ébo kunle we faa gi koo, we lé Bale é dan a ble lɛ munu va koo, Pɔl vo wo fena a lɛ. Kana zén Félis gi yé é léé: ’I go é bléyi. Dé maa bléyi do ye yé maa dan i laa lɛ.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 6:12

Amalé té wenyané é pla kalé gakɔlɛ nwiin lo ma, yé té ka dɔ a blibɔmawenu nyi wuo lo ma.

Rom munu 6:19

Maa a wefena munu lé wefebɛ gi ka dɔbɛ kyɛn tɔɔtɔɔ lé we ma. Fɛan zo lé ka ka kɔlɛvafɛnu nɔ luu nya we tiridɔle valé weple lɛ, weple kɛlɛle we gi, a zo duo lé sin ’ka ka kɔlɛvafɛnu nɔ luu nya we tegele lɛ, kɛlɛle sauun we gi.

Rom munu 8:13

Dé ka tawo dɔbɛ kyɛn lé blibɔmawe yɛrama, ka dan ga lɛ; naa, ka kɛlɛwe naanénu lé wo ka kun, dé ka wo yi ga kabo lee Kazambale Léli lé plɛplɛ nya, ka dan béli lɛ,

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 5:24

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Éfez munu 1:4

Krist gi lé Kazambale kaa si a va tɛrɛ bɔrale ’lɛ, kaa kɛlɛle a yuɛ va sauun valé wéiin we ma.

Éfez munu 2:2

’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

Kolɔs munu 1:22

Naa, sin, é ka nana ’é va Krist lé tɛrɛlakɔlɛ gale we ma, léé, ’é da ka nya ’é va mi sauunnu nya, ’té we do kpen ’ka ka ma lo, ’té gun ’ka ka ma lo;

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:9

Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

2 Timoté 3:12

Naa, munu faa lé é sɔ wo lɛ léé, ’wo tawo Kazambale lé zi ta tegele Jézu Krist gi, munu é dan nyané pa lɛ wo ta.

2 Timoté 4:10

Tɛrɛ ’ko la wenu sɔ Démas lɛ, amalé é si an va yé é go Tɛsalɔnik; Krésans go Galasi tɛrɛ la, yé Tite go Dalmasi tɛrɛ la.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

Ébrunu 8:11

Mi do kpen ’ka dan we paa lɛ é bɔluzan gi lo, Yé mi do kpen ’ka dan we paa lɛ é bwe gi léé: ’I Mizambale dɔɔ, lo. Naa, é sia wo va né kiénénu ma, yé é bɔ wo va mi segelenu ma, Wo faa é dan an dɔɔ lɛ.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

2 Piɛri 3:11

Fɛ ’konu ’yi bole lé we ma, é ’ka lé ka kɛlɛ sauun valé Bale lé zisɔlɛmunu nya ka giébɛ gi loo?

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

1 Jan 2:6

Mian é léé, ’é a Jézu gi, é a lé ’bɛzan ’é tawo é ziin bélé fɛan zo lé Jézu tawo, a zo.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.