Tite 2:11 - Kazambale lé Sebe Sauunu 1979

¹¹ Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

Tite 2:11 ပူးပေါင်းရင်းမြစ်များ

Lɛrɛvɔ Sɛbɛ 67:2

Bale nyanai ’é zén ko ta yé ’é ko drɔɔ vo ma, A yara ’é bi ko ta ma. Ka ye do.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 96:10

’Bé fe bɛnnu lɛ léé, Gakelebale a é plale mi nwiin; Amalé tɛrɛ a é dɔle gligli, a ma ’ka nyɔɔn‐an lo. Gakelebale éé migɔnɔnu lé we blé we drɔle nya.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Zakari 4:7

Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LÉ LUK A GYE (Évangile selon Luc) 3:6

Yé mi faa é dan Bale lé mibélile ye lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:9

San ’ko a san bozen nya; é da tɛrɛ la, yé é munu faa va kini.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 13:43

Munu lé wo zén ékeva, wo bɔra aan wo, Juifinu kiɛre koo, munu lé wo ke Juifinu lé bazorona, wo koo, wo go Pɔl valé Banabas zuo yé ’bɛnu we fe wo lɛ yé ’bɛnu we pla wo lɛ léé, ’wo kun Kazambale lé zin ’ko ma plɛplɛ.

Kelewenu 13:47

Mizambale ko béli dɔ yee ɛ zo; é léé: Maa i dɔ bɛnnu lé kyɛsan nya, Maa i dɔ léé, ’i misiéwegidére fe fɔɔ tɛrɛ glɛ sina.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Rom munu 5:15

Adam lé we sɛrɛle valé Kazambale lé blɛ pla ’ka bɔ lɛ ékema lo. Mi do lé we sɛrɛle ma lé mi kiɛre ga, naa, Kazambale lé zin valé blɛ lé mi do a kɛlɛ munu lɛ élé zin lé we ma, ’bɛ gi léé, Jézu Krist, ’bɛ kɛlɛ mi kiɛre kiɛre zé nya é minini.

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Galasi munu 2:21

An ’ka sɔn vɔa Kazambale lé zin ma lo; naa, dé bélidɔwe nya lé mi éé kɛla tegele, ’té Krist ga é pla.

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.