Tite 1:2 - Kazambale lé Sebe Sauunu 1979

² We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Tite 1:2 ပူးပေါင်းရင်းမြစ်များ

Ézai 1:20

Naa, dé ka ’ka a nyi si lɛ lo, dé ka nwa an ma, ka dan ga lɛ gwɔun ’léé, maa Gakelebale ɛ fe, azama.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Maak 10:17

Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

Maak 10:30

yé lao, tɛrɛ ’ko la, é ’ka wo lɛgi yé gɔnɔ yɔ soru lo, ’bɛzan ’ka lo; kɔnnu koo, bwenu koo, burunu koo, bunu koo, nénu koo, tɛrɛnu koo, é valé nyanéblelenu koo, é dan wo ye lɛ yé alé tɛrɛla nyaale zuo é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 10:28

Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

WENÉNÉ LE JAN A GYE (Évangile selon Jean) 6:54

Mi lé éé an wi blé yé éé an nyɛ minian, vole é yuɛma lé a glɛ ’ka lo, é a azé nya, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 6:68

Simɔn Piɛri lé a lɛ léé: ’I, Mizan, de ɛ va lé ko dan go lɛɛ? Vole é yuɛma lé a glɛ ’ka lo, a dérenu a i ’léé,

Kelewenu 15:18

Yé é wo dɔɔ a pélisia bléyi va, yee ɛ fe.

Rom munu 1:2

Wenéné ’ko, Kazambale a ma blivolɛdére fe é kyɛn balelayemunu lɔlu nya, Kazambale lé sɛbɛ gi.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

Rom munu 5:4

yé yara pale we la éé guli ’wuo voo mi lɛ é gi danle gi, yé guli ’wuo vole ko lɛ ’ko, éé dan bli kɛlɛle fɛ lɛ nya,

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

1 Tɛsalɔnik munu 2:15

Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya.

1 Tɛsalɔnik munu 5:8

Naa, kaa lé kaa ke yiéyi munu nya, kaa kaabo kun ma; blipale valé sɔlɛle ’é kɛlɛ kaa golɛtayɔɔfɛ nya; yé bli kɛlɛle sile we gi lɛ ’é kɛlɛ kaalé kanakoro nya ma.

1 Timoté 6:12

’I guli dan, guli zin lé wa daan blipale nya, a nya; vole é yuɛma lé a glɛ ’ka lo, ’bé kun kli. A yele we ma lé Bale i laa, ’té i dɔ a ta munu kiɛre yuɛ va bɛ, yee lé.

1 Timoté 6:19

’Bɛ zo we kɛlɛle nya lé wo dan fɛwezannu zun dɔ lɛ tɛlɛ tɛlama zé nya é ta nya drɔɔ é pla, yé ’bɛ ma lé wo dan bélile bozen ye lɛ.

2 Timoté 1:1

Maa Pɔl ɛ ke sɛbɛ ’ko gyɛna Timoté zé nya. Maa a Jézu Krist lé nwunvɔzan nya Kazambale lé blibɔmawe nya, we lé Bale a fe léé, mi éé bélié Jézu Krist gi, a fele we ma.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

2 Timoté 2:13

Dé ko yuɛgi blan a ma, a yuɛgi ’ka blaan ko ma lo, naa, é ’ka bɔaléé, é sɔn vɔ ébozen ma lo, azama.

2 Timoté 2:15

’I kwa kuli ibo ma dɔle Kazambale ’lɛ we ma, mian wa gi dan, a nya, nyanamapazan lé yara ’ka a gya lo, ’té éé webozen dére fé tegeleee, a nya.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Tite 2:7

yé biibozen ’i kɛlɛ wolé wekɛlɛmazan nya wezin kɛlɛle gi. Yé we lé bé paan wo gi, ’é kɛlɛ webozen valé we tegele nya.

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

SEBE LÉ JUD A GYE (Épitre de Jude) 1:21

’Ka vo Kazambale lé sɔlɛle gi, yé ’ka Kaazan Jézu Krist lɛbɛn yé vole é yuɛma lé a glɛ ’ka lo, yé ’é a nɔ ka lɛ a nyanai zénle ka ta we ma.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.