Tite 1:16 - Kazambale lé Sebe Sauunu 1979

¹⁶ Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.

Tite 1:16 ပူးပေါင်းရင်းမြစ်များ

JOB (Job) 15:16

’Té ’léévɔnzan lé éé nwaan mi ma, Blami lé éé weplenu minian bélé ’yi zo, ’té ’bɛ é dan kɛlɛ lɛ a yuɛ gi mɛ fɛ nyaa?

Wegɔnévɔlenu 30:12

Mi gɔnɔ do ana yé é dɔ ’wo gi léé, ’wo bli gi a é bɔle, ’té wo ’ka ’wo tiri sié lo.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Ézai 48:1

’Kaa Jakɔb lé munu lé Izraɛl tɔ ke ka ma, ’Té ka ke Juda kulunu nya, ’Té ka Gakelebale tɔ ’nyɔɔnma Yé ka Izraɛl lé Bale tɔ laan, ’Té weboen valé we drɔle ’ka ka gi lo, ’Ka tɔné dɔ we ’ko lɛ.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Jérémi 12:2

I wo suru bélé yili zo yé wo suni wɔra; Yé wo tin, yé wo poro baa; I tɔ a wo ’léé, Naa, wo bli a é sile i ma baa.

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 6:30

Woo wo laama gɔɔlifu bo. Naa, Gakelebale sɔn vɔ wo ma, azama.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Mi Nɔnɔle 24:16

Mian éé Bale dére maan, ’Té é Loruzan bɔn‐in wenu dɔɔ, ’Té éé Plɛplɛfaazan Bale lé yuɛzi yé, a dére lo. Mian éé diaan é bli la ’té a yuɛ a é fuole, a dére lo.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

1 Timoté 1:9

’té dé mi a gi dɔɔ léé, wo ’ka a kɛlɛ lɛ mi tegele lé we ma lo, naa, wa kɛlɛ wenyanékɛlɛzannu lé we ma. Mi lɛrɛlɛrɛnu koo, mi lɛgamazannu koo, Kazambale lé zi ma wenyané fezannu koo, wenyanékɛlɛzannu koo, munu lé wo ’ka bazoroan lo koo, munu lé wo Kazambale lé we yé boawe nya koo, ti valé bu gyɛmunu koo, migyɛmunu koo,

1 Timoté 5:8

Dé mian é ’ka é gɔnɔlamunu mawe kɛla lo, dé é ’ka élé kɔngimunu zé kɛla yé é mini mi bɛnu zé ta lo, ’té éé sɔn vɔa Bale lé we ma, ’té alé we naané mini yolémunu zé ta.

2 Timoté 3:17

Kazambale lé mi kɛlɛle wéiin we gi, ’té a ma a é ’lɛrɛle wezin faa kɛlɛle we ma.

Tite 3:1

’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

1 Jan 2:4

Mian éé a fé léé: Maa Jézu dɔɔ, yé é ’ka alé bélidɔwenu kɛla lo, ’bɛzan a viéwona yé webozen ’ka ’bɛzan gi lo.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.

1 Samuɛl 15:24

Yé Saul lé Samuɛl lɛ léé: An Gakelebale lé bélidɔwe sɛrɛ yé an ’ka i dére lɛdɔ lɛ a ma lo amalé maa wenyané kɛlɛ; an kana munu lee yé an tɔné dɔ wo dére lɛ.