Tite 1:15 - Kazambale lé Sebe Sauunu 1979

¹⁵ Munu lé wo ke sauun, we faa a wo yuɛ gi sauun. Naa, munu lé wo tiri ke é dɔle, yé wo bli ’ka é pale lo, we do kpen ’ka ’bɛnu yuɛ gi we sauun nya lo. Wo gi bɔrɔle valé wolé wevasibli a é naané.

Tite 1:15 ပူးပေါင်းရင်းမြစ်များ

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Wegɔnévɔlenu 30:12

Mi gɔnɔ do ana yé é dɔ ’wo gi léé, ’wo bli gi a é bɔle, ’té wo ’ka ’wo tiri sié lo.

Agajé 2:13

Yé Agajé léé: Dé mi do tiri dɔ a manele fɛ gale ma we ma, dé é mane fɛ ’konu do ma, a tiri dɔɔ? Yé Balebanzannu léé: Iin, a tiri dɔ.

Matio 15:18

Naa, wenu lé éé bɔraan mi ’léé, éé sié mi bli gi yé yee ɛ mi tiri dɔa.

Kelewenu 10:15

A gɔnɔ fiézan nya é dére ’ko ’ma é ziin: Fɛ lé Kazambale a fe léé, a gi a é bɔle, té bé ye fɛ tiridɔle nya lo.

Rom munu 14:14

Maa a gi dɔɔ, yé Mizan Jézu an bɔn gi kini léé, fɛ do kpen tiri ’ka lo, naa, mian é a ye fɛ tiridɔle nya, ’té ’bɛ yuɛ gi lé a tiri ke.

Rom munu 14:20

Té ka Kazambale lé nyanama sɛrɛ fɛblele lé we nya lo. Fɛ faa gi a é bɔle webozen nya, naa, dé mi kɛlɛ mi bɛ saanzan nya élé fɛblele we ma, ’bɛ a tɔntɔn.

Rom munu 14:23

Naa, mian a bli kɛlɛ fié, fɛ lé éé a blé, alé we ma, we a é dɔle a nwiin. É ’ka a kɛlɛna blipale nya lo, ’bɛzama. We faa lé é ’ka sié blipale va lo, é a wenyané nya.

1 Korent munu 10:23

Mi kenu léé: A se a ko lɛ léé, ko we faa kɛlɛ. Iin, weboen lé. Naa, we faa tɔnɔ aa? A se a ko lɛ léé, ko we faa kɛlɛ. Iin, weboen lé. Naa, we faa éé mi dɔa gliglii?

1 Korent munu 10:25

Fɛ faa lé wa daan flɛ gi, ’ka ble; té ka we do kpen gi laa kalé wevasibli lé we ma lo;

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

1 Korent munu 8:7

Naa, wedɔɔle ’ko ’ka mi faa gi lo. Munu lé wo yo ban é vinin, dé wo yobanwi ble tɔɔn, ’té yobanle sele a dɔna wo gi, ’té wolé wevasibli lé é ’ka plɛplɛ lo, ’té a tiri a dɔna.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?