Tite 1:11 - Kazambale lé Sebe Sauunu 1979

¹¹ É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

Tite 1:11 ပူးပေါင်းရင်းမြစ်များ

Lɛrɛvɔ Sɛbɛ 107:42

Mi tegelenu éé ’bɛ yé, yé wo gi éé nanaan, Naa, weple kɛlɛzannu faa lɔlu lɛ a é tanle.

Lɛrɛvɔ Sɛbɛ 63:11

Wo dan wo gyɛ lɛ gwɔun nya, Gwe é dan wo ble lɛ.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

WENÉNÉ LÉ LUK A GYE (Évangile selon Luc) 20:40

Yé é ’ka dɔ lɛ wo gi léé, wo we do kpen laa a lee é dɛrɛ lo.

WENÉNÉ LE JAN A GYE (Évangile selon Jean) 10:12

Naa, nyanamapazan lé é ’ka ’blatabinzan nya lo, ’té ’blanu ’ka azé nya lo, dé é glau ye dana éé sié ’blanu zi yé éé vian buruwo, ’té glau éé wo kunwo, ’té ’bɛ éé wo fwilaan.

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.

2 Korɛnt Munu 11:10

Krist lé webozen lé é ke an gi, a nya lé maa a fé, wo ’ka dan an tɔzinfémawe ’ko si lɛ an lee Akai tɛrɛ faa la monomono lo. Mɛmaléé?

1 Timoté 5:13

Yé é ziin, dé wa é pla tɔɔn, ’té wo kun gole ma kɔnnu gi nuu. ’Bɛ ta loru, woo we faa ’wuo kunwo kwɛkwɛ ’té wa sɔɔlaan, ’té woo goo vɔle nya mi bɛnu lé we gi, yé we lé é ’ka lé wa fe lo, ’té wa fé.

1 Timoté 5:4

Dé gyɛzarale lé nénu a, ɛɛ, dé a nénénu a, é a lé wo bɔ wezin kɛlɛle lɛ wobozen lé kɔngimunu lɛ, yé fɛan zo lé wo ti valé wo bu wo pa ’té wa kiéné, é a lé wo yee duo kɛlɛ wo ti valé wo bu lɛ é ziin; naa, we ’ko sɔ Kazambale lɛ.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

2 Timoté 2:18

Wo yara si webozen ta, yé wo léé, mi galenu nwa é kwakwa, yé wo mi kenu lé blipale gi sɛrɛ.

2 Timoté 3:6

Wo va mi kenu éé wɔraan kɔnnu gi nuu, yé tavolomu lé wo ke é fanle wenyané nya, ’té wenaané gɔnɔ faa lɔrɔ éé wo nyunuan bɛ, woo wo sian ana.

Tite 1:7

É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

Tite 1:9

é a lé é dɔ dére bozen lé wa paan munu gi bɛ, a ta; dé é a ’bɛ zo mi nya é bɔalɛ léé, é we pla munu lɛ wepaale tegele yɛrama, yé é zavɔmunu lɔlu ga.

Tite 3:10

Mi lé éé munu kinié ékema, dé i we pla a lɛ gɔnɔ do valé gɔnɔ fié, ’i kan kini a ma.