Sofoni 3:9 - Kazambale lé Sebe Sauunu 1979

⁹ Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Sofoni 3:9 ပူးပေါင်းရင်းမြစ်များ

Wepélisiananu 11:1

Tɛrɛ faa la munu dére a do; wolé we a do.

Wepélisiananu 4:26

Sɛt né yaa gɔné nya é ziin, yé é tɔ pa a ma Énɔs. ’Bɛ bléyi va lé munu kun Gakelebale tɔ laale ma.

Lɛrɛvɔ Sɛbɛ 113:3

É sia yiri bɔrale ma fɔɔ yiri vɔle ma, ’Wo Gakelebale tɔ ma gyɛ ma.

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Ézai 19:18

’Bɛ bléyi va, Éjipiti tɛrɛ la fla soru é dan Kanaan dére vɔ lɛ yé wo dan lai sunyanu lé Gakelebale ’nyɔɔn lɛ. Wo dan alé fla do laa lɛ, guruzanaagi fla.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 6:7

É a zun an lɔ ma yé é léé: Fɛ ’ko mane i lɔlu ma; amalé ilé weple si i lee yé ilé wenyané ’yibo.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Ézékiɛl 37:17

’I wo bié ékema wo kuale ékema yé wo kɛlɛ yilifee do kpen nya we ma, yé é vo i lee do.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Matio 12:35

Mi zin éé fɛ zimanu sié élé fɛwezan zimanu va, yé mi naané éé fɛ naanénu sié élé fɛwezan naanénu va.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.