Sofoni 3:8 - Kazambale lé Sebe Sauunu 1979

⁸ Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Sofoni 3:8 ပူးပေါင်းရင်းမြစ်များ

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 123:2

Bé ye, fɛan zo lé wuomunu yuɛ a ’wozannu lɛ, Yé fɛan zo lé wuo le yuɛ a ’é nwiin le lɛ, A zo duo lé ko yuɛ ke Gakelebale kozé Bale lɛ, Fɔɔ yé é nyanai zén ko ta.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Lɛrɛvɔ Sɛbɛ 37:34

’I bli vo Gakelebale lɛ, ’i tawo alé zi ta, Yé é dan i kɛlɛ lɛ blɛn tɛrɛ ’ko yele izé nya we ma; I dan mi nyanénu kulu gana ye lɛ.

Lɛrɛvɔ Sɛbɛ 37:7

’I nyana drɔɔ Gakelebale ’lɛ, yé i bli ’é vo a lɛ; Yé mian alé we nyian é wo, té alé we é ’na i ma lo, Yé mi lé é ’é bɔngiwe nyanénu lɛ sɔɔ, té alé we é ’na i ma lo.

Lɛrɛvɔ Sɛbɛ 62:1

David lɛrɛ ’ko vɔle gɔɔn lɛrɛvɔzannu zilɛzan lɛ. Jédutun zé yɛrama. David a vɔ.

Lɛrɛvɔ Sɛbɛ 62:5

Wo bɔn gi bɔrɔan léé, ’é si élé webleblin ta, ’é zun é falo ma; Viéwole sɔ wo lɛ, Woo mi drɔɔ voo wo ’léé, Naa, woo bale paan mi ma wo bli gi.

Lɛrɛvɔ Sɛbɛ 79:5

Yiba! Gakelebale, i ’ka wé ko zi loo? Yé i bli é dan vo lɛ flina ko ma ’bɛ zoo?

Lɛrɛvɔ Sɛbɛ 79:6

’I wɛwɛ dɔ bɛnnu lé wo ’ka i dɔɔa lo, wo ma ma, É valé migɔnɔnu lé wo ’ka i tɔ laan lo, wo ma.

Wegɔnévɔlenu 20:22

Té bé fe léé, ’é dan wenyané lɛgi pa lɛ lo. ’I bli vo Gakelebale lɛ, é dan i si lɛ we gi.

Wegɔné Ma Lɛrɛ 8:6

An we ’é kɛlɛ i bli gi blɛn, ’I an gyɛ pɔɔ nya i bɛ la; Naa, sɔlɛle a plɛplɛ bélé gale zo, Maawole mi va a yuyu bélé migale nyanana zo; A fuu a a ta, bélé kyɛ lé, Bélé Gakelebale lé kyɛnɛnɛ zo.

Ézai 14:26

We lé é dɔ an gi tɛrɛ faa zé nya, yee lé ke bɛ. An bɛ lé é ke é soile bɛnnu faa ma, yee lé ke bɛ.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Ézai 63:6

An bli flile zi an munu zɔn an gane nya, an wɛwɛ wo gyɛ nwɛ zo, yé maa wo nyɛ zana tɛrɛ va.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

Joɛl 3:2

An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Matio 25:32

Bɛn faa é dan zén lɛ ékeva an ’lɛ. An dan wo si lɛ ékeva, bélé fɛan zo lé ’blatabinzan éé ’blanu valé bolinu sié ékeva, a zo;

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

Wegɔɔnle 16:1

Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.