Sofoni 3:7 - Kazambale lé Sebe Sauunu 1979

⁷ Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Sofoni 3:7 ပူးပေါင်းရင်းမြစ်များ

Wepélisiananu 6:12

Gakelebale tɛrɛ nagini yé é a ye léé, é sɛrɛ; mi faa ébo lé tawobɛ sɛrɛ tɛrɛ la.

2 Minwiinmunu lé Wezuofe Sɛbɛ 33:11

Yé Gakelebale Asiri nwiinzan blɛn lé sunyanu nwiinzannu nwa yé é da wo nya Izraɛlnu ma. Wo Manasé kun yé wo foliɛwɔlɛbale vɔ a ma. Wa yere zéné gɔgɔbalenu nya, yé wo go a nya Babilɔn.

JOB (Job) 36:10

É dan we lɛ kini lɛ wo lɛ, yé ’bɛ é dan we paa lɛ wo gi, É dan we pla lɛ wo lɛ léé, ’wo si weple zuo.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Wegɔnévɔlenu 19:20

’I tɔné dɔ weplalenu lɛ yé ’i we paale i gi nyi si, i gi kinile we gi, ilé tɛrɛla yinu lé wo vo i ’lɛ bɛ, wo gi.

Ézai 5:4

Mɛ we lé é a kɔɔn lé maa kɛlɛ é ziin anlé dɔrɔféi maa? Mɛ fɛ lé maa ’ka a kɛlɛ lɛ a lɛ loo? Mɛmalé dé é a an gi léé, é dan é poro zima baa lɛ, yé é poro naané ɛ baa?

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 25:5

Yee balelayezannu léma: ’Kaa faa do do, ’ka si ka kɛlɛwe naané valé ka kɛlɛwe nyanénu zuo, yé ka dan nyana lɛ tɛrɛ lé maa a nɔ ka valé ka tranu lɛ, a ta, ’té ’bɛ glɛ ’ka dɔa lo.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 38:17

Yé Jérémi lé Sédésias lɛ léé: Gakelebale, sunyanu lé Bale, Izraɛl lé Bale léma: Dé i yɔfalo fu vɔ i bɔrɔ ma yé i go ibo nya Babilɔn munu nwiinzan blɛn lé zilɛzannu lɛ, i dan vo lɛ é yuɛma, yé wo ’ka dan fla ’ko kyɛ ble lɛ lo; bii valé ilé munu é dan vo lɛ é yuɛma.

Jérémi 6:8

Yé bii Jérusalɛm, ’i wepladérenu nyi si, dé maa da si i ma baa yé maa i kɛlɛ é ’bin nya, tɛrɛ lé mi ’ka ana lo, a nya.

Jérémi 7:7

’té maa dan zi nɔ lɛ ka lɛ léé, ka nyana fɛkona, tɛrɛ lé maa a nɔ ka tranu lɛ, ana, lɛɛfaama a glɛ ’ka lo.

Jérémi 8:6

Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Bélidɔwesɛbɛ Fiézan 4:16

dé ka da kabo sɛrɛ; té ka miyili nyaa lo; gɔné koo, le koo, tɛrɛlawi koo, mianénu lé woo sié ba worona koo, tawoplɛlawinu koo, pɔ lé ke ’yi va tɛrɛ wuo koo, té ka wo va fɛ do kpen foto kɛlɛ lo; dé ka kɛlɛ ’té ka kabo sɛrɛ.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.