Sofoni 3:5 - Kazambale lé Sebe Sauunu 1979

⁵ Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Sofoni 3:5 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

JOB (Job) 34:10

’Kaa ’wuoatazannu, ’ka tɔné dɔ an lɛ ma. Kazambale ’ka we plinle kɛla monomono lo, Plɛplɛfaazan ’ka weple kɛla monomono lo.

JOB (Job) 7:18

Yé i dan a nagini lɛ yifaama bladi Yé bé gi dan bléyi faa vaa?

JOB (Job) 8:3

Kazambale ɛnɔ we drɔle gi sɛraa? Plɛplɛfaazan ɛnɔ we tegele gi sɛraa?

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 37:6

É dan ilé we tegelenu bɔra lɛ bélé san zo, É dan ilé we drɔle bɔra lɛ bélé é yiéyi yiri zo.

Lɛrɛvɔ Sɛbɛ 92:15

Tɔnɔ a wo ma wo kwa ta gi, Wo ’yi a wo va yé wo fuu a wo ta,

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 28:19

É dan gié lɛ yifaama, bladi nyanadi. Bléyi faa do do lé éé giéan, éé ka kunwo, dé ka gun ’ma é pla, kana é dan zén lɛ ka gi.

Ézai 33:2

Gakelebale, ’i nyanai zén ko ta. Ko bli a bii ɛ lɛ. ’I bɔ ko va tu faa do do ma; ’i ko si we gi kolé kleblebléyi va.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi 6:15

Gakelebale léma: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo nya, yé dé maa a we lɛdɔna wo gi bléyian va, wo guru é dan zana lɛ a gi.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi Lé Wuvɔ Sɛbɛ 3:23

Woo bɔraan bladi faa do do ma we dɛrɛ nya, I yara pale we la glɛ ’ka lo.

Ézékiɛl 18:25

Ka léma: Mizan lé wekɛlɛbɛ ’ka é drɔle lo. Amalé, Izraɛlnu, ’ka tɔné dɔ. Maa ɛlé wekɛlɛbɛ ’ka é drɔle lo loo? Naa, ka‐an kalé wekɛlɛbɛ ’ka é drɔle lo loo?

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

OZÉ (Osée) 6:5

Bɛwemalé maa dan wo bla lɛ balelayezannu dére nya; an dan wo gyɛ lɛ an ’léé dére nya; an dan bi lɛ wo ma weblele nya bélé yirisan zo.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Abaku 1:3

Mɛmalé bé kɛlɛ léé, maa weple ye, yé we lé é ’ka tegele lo, mɛmalé i yuɛ vɔ a taa? Mɛmalé yaale mi ta valé glawe kɛlɛle a an yuɛ gii? Wa zɔdɔna, ’té zavɔle éé nwaan munu méléna.

Sofoni 2:1

Yaragyɛlo bɛn, ’ka gi bɔrɔ. ’Ka ka bli gi gini,

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LÉ LUK A GYE (Évangile selon Luc) 12:2

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo, yé kyeengiwe lé, ’bɛ ’ka dan bɔra lɛ lo, ’bɛ ’ka lo.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 3:26

a tegele nagɔɔnle we gi bléyi ’ko va, yé munu a gi dɔɔ léé, é a tegele yé mian éé bli voo Jézu lɛ, éé ’bɛzan kɛla tegele.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

Bélidɔwesɛbɛ Fiézan 23:14

Naa, Gakelebale kalé Bale a tawona ka va, ka takuunle valé ka nyanézannu pale ka lee we gi; bɛwemalé é a lé kalé fla ’é kɛlɛ é zima, té Gakelebale é fɛ tiridɔle do kpen ye ka va lo, dé é da si ka va.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.