Sofoni 3:20 - Kazambale lé Sebe Sauunu 1979

²⁰ ’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Sofoni 3:20 ပူးပေါင်းရင်းမြစ်များ

Lɛrɛvɔ Sɛbɛ 35:6

Gunu ’é dɔra wolé zi ta yé a ta ’é kɛlɛ yɔrɔyɔrɔ yé wo dia, Yé Gakelebale lé lanje ’é wo zuo bin ma.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Ézai 60:15

Fɛana lé wo i za pa yé wo i vo, ’Té mi do ’ka bɔrɔwona i ta lo, ’Bɛna lé maa dan i kɛlɛ lɛ bélé mi’lɛrɛkyan zo lɛɛfaama; Ma dan i kɛlɛ lɛ mi ginanama fla nya mi kulu faa zé nya.

Ézai 61:9

Wo dan wo bɛn dɔɔ lɛ bɛnnu va, Munu é dan wo kulu dɔɔ lɛ; Munu faa lé woo wo yé, wo dan a gi dɔɔ lɛ léé, Bɛn lé Gakelebale a drɔɔ vo, wo lo.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Ézai 62:7

’Ka vo Bale ma kyɛdɔna, Fɔɔ ’té é Jérusalɛm dɔ é wo é pa gi Yé a tɔ é bɔ tɛrɛ faa la.

Ézai 66:22

Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Ézékiɛl 16:53

Sɔdɔm valé é lunu lé wo ke luu gi koo, Samari valé é lunu lé wo ke luu gi koo, ilé luugizannu lé wo ke wo va koo, maa dan da lɛ wo nya wo pa gi,

Ézékiɛl 28:25

Mizan Gakelebale léma: Dé maa Izraɛl munu si é nwɛɛnle bɛnnu méléna yé maa wo zén ékeva ’ko, ’bɛna lé maa dan anbo nagɔɔn lɛ mi sauun nya bɛnnu yuɛ va, yé anlé munu é dan nyana lɛ wolé tɛrɛ lé maa a nɔ an wuozan Jakɔb lɛ, a ta.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 37:12

Bɛwemalé, ’i balelawe fe. Bé fe wo lɛ léma: Mizan Gakelebale léma: Anlé munuoo, anlé munu, maa dan ka vunnu lɛ so lɛ; maa dan ka bɔra lɛ ka vunnu gi, yé maa dan go lɛ ka nya Izraɛl tɛrɛ la é ziin.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

Ézékiɛl 39:13

Tɛrɛ ’ko la munu faa é dan wo galenu pa lɛ, yé é dan kɛlɛ lɛ wo tɔbɔwe nya, yian nya lé wo dan an tɔ bɔ lɛ, ’bɛ yi nya. A zo lé Mizan Gakelebale a fe.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Sofoni 3:19

Ka ye, ’bɛ bléyi va, munu lé woo yaan ka ta, maa dan we kɛlɛ lɛ wo faa lɛ; Maa dan gane suruzannu béli lɛ, yé munu lé wo so wo va, maa dan wo zén lɛ ékeva; Tɛrɛnu faa lé wo serele bo wo ma wo ta bɛ, Maa dan wo kɛlɛ lɛ ’bɛnu ginanamafɛ valé tɔbɔfɛ nya ’bɛna.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Malasi 3:12

Naa, kalé tɛrɛ é dan kɛlɛ lɛ miginanama tɛrɛ nya, yé bɛn faa é dan a fe lɛ léé, kazé a néné. A zo lé lai sunyanu lé Gakelebale a fe.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.