Sofoni 3:2 - Kazambale lé Sebe Sauunu 1979

² É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Sofoni 3:2 ပူးပေါင်းရင်းမြစ်များ

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Lɛrɛvɔ Sɛbɛ 10:4

Mi nyané a fé boblɛn naané nya léé: É ’ka we lɛdɔa mi gi lo. Bale ’ka pelo. Bé ye, alé ’wuogibɔrɔlenu faa lé ke bɛ.

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Lɛrɛvɔ Sɛbɛ 73:28

Naa, dé é a anzé nya, an biéle Bale sɔnɔ é a an ma é zima; Mizan, Gakelebale, a an vɔzizan nya, I panyanamanu faa zuo fele we ma.

Lɛrɛvɔ Sɛbɛ 78:22

Wo ’ka ’wo bli vo lɛ Bale lɛ lo, azama; Wo ’ka pa lɛ a ta léé, é dan bɔ lɛ ’wo va lo.

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 5:12

yé i léé, mɛmalé munu lé an drɔle za kɛlɛ an gii? Mɛmalé an bli weplale an lɛ ye boawe nyaa?

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 43:22

Oo Jakɔb, i ’ka an laa lɛ lo, Oo Izraɛl, an lɔrɔ nyaa i ma.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Jérémi 13:25

Maa i kɛlɛwe dan; izé ma ban lo; i gi san an ma, yé i pa vié ta, azama. A zo lé Gakelebale a fe.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 35:13

Lai sunyanu lé Gakelebale, Izraɛl munu lé Bale léma: ’I go, bé fe Juda munu valé Jérusalɛm munu lɛ léé, ka ’ka we paale ka gi nyi sié loo? Ka ’ka an dére lɛdɔa a ma loo? Maa Gakelebale ɛ ke a fena.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Ézékiɛl 22:24

Blami be, bé fe Jérusalɛm munu lɛ léma: Bii a tɛrɛ lé a gi ’ka é bɔle lo, a nya; lɛɛ ’ka dan i ta blifliyi nya lo.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

2 Timoté 3:16

Kazambale lé sɛbɛ faa si Kazambale va yé a tɔnɔ a; éé we paan mi gi yé éé mi gya we nya; éé mi drɔan, yé éé kɛlɛle tegele lé we paan munu gi,

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.