Sofoni 3:19 - Kazambale lé Sebe Sauunu 1979

¹⁹ Ka ye, ’bɛ bléyi va, munu lé woo yaan ka ta, maa dan we kɛlɛ lɛ wo faa lɛ; Maa dan gane suruzannu béli lɛ, yé munu lé wo so wo va, maa dan wo zén lɛ ékeva; Tɛrɛnu faa lé wo serele bo wo ma wo ta bɛ, Maa dan wo kɛlɛ lɛ ’bɛnu ginanamafɛ valé tɔbɔfɛ nya ’bɛna.

Sofoni 3:19 ပူးပေါင်းရင်းမြစ်များ

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 60:14

Yaaitazannu é dan dia lɛ i ’lɛ; Wo lé wo serele bo i ma, wo dan ’wo ’wuo wɔra lɛ i gane wuo. Wo dan i laa lɛ Gakelebale lé fla; Wo dan i laa lɛ Izraɛl lé Mi Sauun lé Siɔn fla.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Ézai 62:7

’Ka vo Bale ma kyɛdɔna, Fɔɔ ’té é Jérusalɛm dɔ é wo é pa gi Yé a tɔ é bɔ tɛrɛ faa la.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Ézékiɛl 16:27

Yé bé ye, maa bɛ kɛlɛ i ma; izé lé maa nɔ, maa a ta zana. Maa a nɔ i nyanézannu lé blibɔmawe lɛ, Filisiti lomu lé i kɛlɛwe plenu wo gyɛ yara nya, woo lé.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 39:13

Tɛrɛ ’ko la munu faa é dan wo galenu pa lɛ, yé é dan kɛlɛ lɛ wo tɔbɔwe nya, yian nya lé wo dan an tɔ bɔ lɛ, ’bɛ yi nya. A zo lé Mizan Gakelebale a fe.

Ézékiɛl 39:26

Yé serele lé munu a bo wo ma, é valé sɔn lé wa vɔ an ma, ’té wa é nyanale wobo lé tɛrɛ la duaa, ’té mi do kpen ’ka kana zén‐é wo gi lo bɛ, a sele é dan saan lɛ wo gi.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Ébrunu 12:13

yé ’ka tawo zi drɔle ta yé kalé tun?-?boganenu é dan béli lɛ, yé ka powuo?-?wɔlɛ ’ka dan so lɛ é ke ’léé lo.

Wegɔɔnle 20:9

Yé wo gié tɛrɛ faa ta, yé Kazambale lé munu nyanana valé fla lé é sɔ Bale lɛ, wa zi lɛ sɔɔ, naa, kyɛ si la gi yé é wo ble.

Weblezannu 1:7

Adoni‐Bézɛk léma: Minwiinzan yɔ yaa wɔlɛ vu lé wo bɛnwɔlɛ gɔnénu valé wo ganewɔlɛ gɔnénu ke é bɔile, fɛblelenu lé wo dian anlé tablé wuo, yee lé wa blé. We lé maa a kɛlɛ, yee lé Bale a kɛlɛ an lɛ. Yé wo go a nya Jérusalɛm, yé é ga ’bɛna.