Sofoni 3:17 - Kazambale lé Sebe Sauunu 1979

¹⁷ Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Sofoni 3:17 ပူးပေါင်းရင်းမြစ်များ

Wepélisiananu 1:31

Yé fɛ faa lé Kazambale a kɛlɛ, é a faa nagini yé é a ye léé, a faa a é zima é baba. ’Bɛ zo lé nyanadi kɛlɛ yé bladi kɛlɛ; ’bɛ ɛ ke a yi suiɛdozan nya.

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

Wepélisiananu 2:2

Kazambale élé nyanama lɛ sɔɔ a yi suiɛdozan nya; yé a yi sɔrafiézan nya é flin élé nyanama faa lé é a pa bɛ, a ma.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 78:65

Mizan nwa bélé yigyɛzan vuole zo, É nwa bélé nyanazan lé nwɛ a gyɛ, a zo.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 18:4

Naa, Gakelebale lé an lɛ léma: Maa a é nyanale drɔɔ anlé fɛna, ’té maa naginian kyɛyee bɔbléyi va, fɛ gyɛbléyi va, ’té fli éé vɔa fɛnu ma kiɛre.

Ézai 63:1

Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.

Ézai 63:12

té éé zi gɔɔn‐an Moizi bɛyi lɛ ébo bɛ plɛplɛ nya, é a kyɛɛn? Mi lé é ’yi fén gyɛ wo ’lɛ, tɔ lé a glɛ ’ka lo, a yele we ma,

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

Joɛl 2:21

Tɛrɛ, té i kana lo, Yéri ’é pa i lɔ ma, yé i gi ’é nana ma. Naa, Gakelebale éé we blɛnblɛnnu kɛla.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Mi Nɔnɔle 14:8

Dé Gakelebale bɔ ko va, é dan go lɛ ko nya tɛrɛ ’ko ta, yé é dan a nɔ lɛ ko lɛ; é a tɛrɛ nyɔnɔzan nya.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LE JAN A GYE (Évangile selon Jean) 13:1

Taboyi lé fɛti ’lɛ, Jézu a gi dɔɔ léé, a bléyi bɔ yé é dan si lɛ tɛrɛ la yé é go é Ti va. Azé munu lé wo ke tɛrɛ la, wo sɔ a lɛ fɔɔ yé alé tɛrɛla nyaa a zo.

WENÉNÉ LE JAN A GYE (Évangile selon Jean) 15:11

Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

Bélidɔwesɛbɛ Fiézan 23:15

Dé luu do vlan buru ézan lee yé é da vɔ lɛ i zi, té bé nɔ ézan lɛ lo.

Bélidɔwesɛbɛ Fiézan 30:9

Gakelebale, kalé Bale é dan kalé fɛ zinnu fan lɛ, kalé nyanama koo, kalé nénu koo, kalé trubɛnu koo, kalé féifɛnu koo, é dan a faa nyian wo lɛ; wezin kɛlɛlɛ ka lɛ é dan kɛlɛ lɛ Gakelebale lé ginanamawe nya é ziin, fɛan zo é a kɛlɛ ka tranu zé bléyi va, a zo,

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.