Sofoni 3:15 - Kazambale lé Sebe Sauunu 1979

¹⁵ Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Sofoni 3:15 ပူးပေါင်းရင်းမြစ်များ

Wepélisiananu 30:23

É bɔn si yé é né yaa gɔné nya yé é léé: Bale yaragyɛwe si an ma.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 19:9

Gakelebale déretawenu a tegele, éé mi gi nanaan; Gakelebale sɔnnénu gi a é bɔle, woo mi yuɛnu va kinié.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 51:22

Kazan Gakelebale, Kalé Bale lé é élé munu takuun‐an, é léma: Ka ye, ’yiminikana lé a gifɛ éé mi yuɛi nɔɔan, anlé bliflile zéngikana, Maa dan a si lɛ ka lee; Ka ’ka dan a gi ’yi mini lɛ é dɛrɛ lo.

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

Ézékiɛl 35:10

Bé fe léé: Bɛn fié ’ko valé tɛrɛ fié ’ko, é dan kɛlɛ lɛ ’ézé nya, ’é dan wo si lɛ ’ézé nya, dɔlé ’té Gakelebale ana bɛ,

Ézékiɛl 36:15

Maa ’ka dan a nyi si lɛ léé, i bɛn bɛnu lé sɔnɔdére ’ma é dɛrɛ lo, yé munu ’ka dan serele bo lɛ i ma é dɛrɛ lo; i ’ka dan ibo bɛngɔnɔ sɛrɛ lɛ é dɛrɛ lo. A zo lé Mizan Gakelebale a fe.

Ézékiɛl 39:29

yé maa ’ka dan an yara yɔɔ lɛ wo ma é dɛrɛ lo. Naa, maa dan an léli zén lɛ Izraɛl munu ta. A zo lé Mizan Gakelebale a fe.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Amɔs 9:15

Maa dan wo nyana lɛ kli wolé tɛrɛ la, Yé tɛrɛ lé maa a nɔ wo lɛ, wo ’ka dan wo si lɛ ana lo. A zo lé Gakelebale, ilé Bale a fe.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Abaku 2:17

Naa, glawenu lé bé kɛlɛ Liban tɛrɛ lɛ, wo dan nɔla lɛ i ta, yé winu kulu gale é dan di kini lɛ i gi; naa, i munu nyɛ zana, yé i glawe kɛlɛ tɛrɛ ’ko la, fla valé é tamunu ma, azama.

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Zakari 14:11

Munu é dan nyana lɛ ana, bale pale a ma bɛ ’ka lo; wo dan nyana lɛ Jérusalɛm duaa.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 12:15

Siɔn munu, té ka kana monomono lo; Ka ye, ka nwiinzan blɛn a dana, É nyanale sokofale tina lé né punu.

WENÉNÉ LE JAN A GYE (Évangile selon Jean) 19:19

Pilat sɛbɛ do gyɛ yé é a pa yiliblan ta loru. É a gyɛ a ta léé: Nazarɛtzan Jézu, Juifinu nwiinzan blɛn lé.

WENÉNÉ LE JAN A GYE (Évangile selon Jean) 5:30

Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.

Wegɔɔnle 12:10

Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 7:15

Bɛwemalé wo ke Kazambale lé webleblin ’lɛ, ’té wa bɔa bladi nyanadi Balebangikɔn gi. Webleblin tazan é dan élé sɔkɔn dɔ lɛ wo ta;