Sofoni 3:14 - Kazambale lé Sebe Sauunu 1979

¹⁴ Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Sofoni 3:14 ပူးပေါင်းရင်းမြစ်များ

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Lɛrɛvɔ Sɛbɛ 14:7

Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 97:8

Siɔn munu we ’ko ’ma, yé wo gi a nanana; Oo Gakelebale, ilé weblele zama Juda lomu gi a nanana ginanale blɛn nya.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 37:22

Dére lé Gakelebale a fe a mawe nya, yee lé ke ’ko: Blɛn lé é ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm le Éé ’wuo nyɔɔn‐an i zuo.

Ézai 40:1

Kalé Bale léma: ’Ka anlé munu tɔrɔ paaoo, ’ka anlé munu tɔrɔ paa.

Ézai 40:9

’Ka go gɔ grɔgrɔ nwiin, ’Ka we néné zana dɔɔ Siɔn munu lɛ, ’Ka dére nwa, té ka kana lo, ’Ka we néné zana dɔɔ Jérusalɛm; ’Ka fe Juda tɛrɛ la flanu lɛ léé: Kalé Bale looo, kalé Bale lo!

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 54:1

Bii sɔnzan lé i ’ka né yaan lo, i gi ’é nana, Bii lé i ’ka vɔle lu zi dɔɔa lo, ’i fɔrɔ ginanale blɛn nya; Naa, lebɔrale benu é dan kɛlɛ lɛ kiɛre Yé é mini bofla le benu ta, azama. Gakelebale ɛ fe.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Misé 4:8

Yé bii trubɛ palu lé dɔtafɛ, Siɔn munu lé gɔpané, plale mi nwiin kyɛn é dan da lɛ i va yé i pla mi nwiin; Jérusalɛm munu plale mi nwiin lé.

Matio 21:9

Mi gunu lé wo ke tawona Jézu ’lɛ, é valé munu lé wo ke tawona a zuo, wo siaa léé: David Be, ozana! Mi lé é da Mizambale tɔ gi, a drɔɔ ’é vo ma. Lai loru munu, ’ka siaa mi, ozana!