Sofoni 3:13 - Kazambale lé Sebe Sauunu 1979

¹³ Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Sofoni 3:13 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

JOB (Job) 11:19

I dan yia lɛ yé we do kpen ’ka dan i bli kyɛ dɔ lɛ lo, Yé mi kiɛre é dan i ma kwa kuli lɛ.

Lɛrɛvɔ Sɛbɛ 119:3

Munu lé wo ’ka weplenu kɛla lo, ’Té woo tawoo alé zinu ta, wozé a néné.

Lɛrɛvɔ Sɛbɛ 120:2

Gakelebale, ’i an si munu lé woo viéwoo, wo lee, Munu lé woo dabli kɛla wo nɛnɛ nya, ’i an si wo lee.

Lɛrɛvɔ Sɛbɛ 120:3

Dablikɛlɛ nɛnɛ, woo mɛ no i lɛɛ? Mɛ tɔnɔ lé bé yéé?

Lɛrɛvɔ Sɛbɛ 23:2

Éé an nyanaan lu tɔnu méléna, Éé goo an nya ’yi zima sɔnɔ.

Ézai 17:2

Munu fwi Aroɛɛ flanu ta, wo wo vo trubɛnu lɛ; woo yiié ’bɛna yé mi do kpen ’ka kana zén‐é wo gi lo.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

Ézai 65:10

Anlé trubɛnu é dan fɛ ble lɛ Sarɔn lé fɛna pɛblɛɛna. Pɛnguru lé wa laama Akɔɔ, é dan kɛlɛ lɛ anlé dirinu blena nya; munu lé wo dan an nagini lɛ, wozé lé.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Ézékiɛl 39:26

Yé serele lé munu a bo wo ma, é valé sɔn lé wa vɔ an ma, ’té wa é nyanale wobo lé tɛrɛ la duaa, ’té mi do kpen ’ka kana zén‐é wo gi lo bɛ, a sele é dan saan lɛ wo gi.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Joɛl 3:21

Wo nyɛ lé wa zana, yé maa ’ka tan a lɛgi pa lɛ lo, maa dan a lɛgi pa lɛ, Yé maa, Gakelebale é dan nyana lɛ Siɔn.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Zakari 8:12

Naa, ’savɔle va é dan gyɛ lɛ; dɔrɔyilinu poro é dan baa lɛ, tɛrɛ é dan fɛ dɔ lɛ, la é dan fli vɔ lɛ; maa dan munu ’ko pɔnénu gi nana lɛ fɛ ’konu ma.

Zakari 8:16

We lé é a lé ka kɛlɛ, yee lé ke ’ko: ’ka webozen fe ka ke lɛ; ’ka we ble ’é blena kalé flagɔrɔ ’léénu na, ka vole drɔɔ we gi;

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

Kolɔs munu 3:9

Té ka viéwo ka ke lɛ lo. Blami dɔbɛ valé é kɛlɛwenu ’é si ka lee;

1 Piɛri 3:14

Dé é kɛlɛ léé, ka kle ble we tegele ma, ’té kazé a é zima. Té ka kana wo kana?-?mawe lee lo; té ka gi kyɛ é dɔ lo;

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.

Wegɔɔnle 14:5

viédére do kpen ’ka bɔra lɛ wo ’léé lo, naa, gun ’ka wo ma lo.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.