Sofoni 3:1 - Kazambale lé Sebe Sauunu 1979

¹ Fla lé é ke é fanle yaamitazannu nya, tɔnégiplɛplɛzannu lé fla lé a tiri ke é dɔle, we tɔntɔn é bɔ a ma ma.

Sofoni 3:1 ပူးပေါင်းရင်းမြစ်များ

Ézai 30:12

Bɛwemalé Izraɛl lé Mi Sauun léma: Ka sɔn vɔ dére ’ko ma, ka a pale glawe valé viéwe ɛ ta, yé ka wo kɛlɛ ka bɔvafɛ nya,

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 59:6

Kalé sɔ ’ka varɔ bɔa lo; sɔ lé ka tan, éé nyaan ka ma; ka kɛlɛwe a weple nya, glawe kɛlɛle ka bɛ faan.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 5:23

Munu ’ko a bli plɛplɛzannu valé tɔnégiplɛplɛzannu nya; woo nwaan mi ma, yé woo goo.

Jérémi 6:6

Naa, lai sunyanu lé Gakelebale léé: ’Ka yilinu vɔ, ’ka wo dɔ Jérusalɛm gɔrɔ giéamafɛnu nya; é a lé wo we lɛdɔ fla ’ko lamunu gi; vakɛlɛle saa ɛ ke ana.

Jérémi 6:7

Fɛan zo lé ’yi éé duun‐an ’yiguru gi, a zo duo lé fla ’ko lé we lɛrɛlɛrɛnu éé nwɛɛn‐an; dé é ’ka glawe valé fɛ sɛrɛle nya lo, wo ’ka we zuo fé ana lo; wo ’ka fɛ bɛ yé lo, fɔɔ kleblelenu valé manɔnnu lé.

Ézékiɛl 22:29

Tɛrɛ ’ko lamunu woo ’wobo no glawe kɛlɛle lɛ, ’té woo kyeenwoo; woo yaan wenaané bɔmazannu valé nyanégyɛzannu ta; woo we tegelenu gi sɛra bɛnnu yele nya ’wo yuɛ gi bélé winu zo.

Ézékiɛl 22:7

Bii fla ’ko méléna lé woo serele boo ’wo ti valé ’wo bu ma; woo kle paan bɛnnu ta, woo yaan ti valé bugalazannu valé gyɛzaralomu ta.

Ézékiɛl 23:30

I gɔné gini bɛngɔnɔnu gi, yé ibo tiri dɔ wolé miyilinu nya, amalé we ’konu é dan bɔ lɛ i ma.

Lévinu 1:16

É dan miané lao so lɛ yé é dan a kyɛɛ so lɛ a ma, yé é dan wo vuli lɛ balebanna sɔnɔ yirinwanazia, fɛ lé woo kyɛyee zanaan ana, ana.

Amɔs 3:9

Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Zakari 7:10

Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.