Sofoni 2:9 - Kazambale lé Sebe Sauunu 1979

⁹ Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Sofoni 2:9 ပူးပေါင်းရင်းမြစ်များ

Ézai 11:14

Wo dan ’wo péli vɔ lɛ do yé wo nwa Filisitinu ma yirivɔnazia, yé wo fɛ si yirinwanazia munu lee gla nya. Édom munu valé Moab munu é dan kɛlɛ lɛ gulizarafɛ nya wo lɛ; Amɔn munu é dan pla lɛ wo wuo.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Ézai 49:18

’Ka yuɛ bɔrɔ ka zi yé ’ka nagini; Wo faa a zénna ékeva yé wo da i va. Gakelebale léé: Maa a é yuɛma. I dan wo zén lɛ i ta bélé ’lɛrɛfɛ zo, Wo dan ’lɛrɛ lɛ, bélé le lé ébo ma’lɛrɛ é bwɛ lɛ, a zo.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 48:1

Moab mawe lo. Lai sunyanu lé Gakelebale, Izraɛl lé Bale léma: We tɔntɔn kɛlɛ Nébo lɛ, naa, wo ’wii a ta. Kiijataim a é dɔle é gane ta; wa si. Misigab bɔ gyɛ, wa sɛrɛ.

Jérémi 49:1

Amɔn munu mawe lo. Gakelebale léma: Izraɛl be do kpen ’ka loo? A zarablezan ’ka loo? Mɛmalé Gad tɛrɛ la vo bale lé wa laama Malkɔm, a lɛ, yé ’bɛ banmunu éé nyanaan ana flanu taa?

Jérémi 49:18

Gakelebale léma: Mi ’ka dan kɛlɛ lɛ ana é dɛrɛ lo; mi do kpen ’ka dan nyana lɛ ana lo. É dan kɛlɛ lɛ bélé Sɔdɔm valé Gɔmɔɔ valé wo sɔnɔ flanu lé maa wo sɛrɛ tata, wo zo.

Jérémi 49:33

Asɔɔ é dan kɛlɛ lɛ gwe nyanana nya, é dan vo lɛ bwi nya yifaama. Mi do ’ka dan nyana lɛ ana lo, mi do kpen ’ka dan yii lɛ ana lo.

Jérémi 50:40

bélé Sɔdɔm valé Gɔmɔɔ valé ’wo punma flanu lé Gakelebale wo sɛrɛ, wo zo. Mi ’ka dan nyana lɛ ana é dɛrɛ lo, mi do kpen ’ka dan kɛlɛ lɛ ana lo. Maa Gakelebale ɛ ke a fena.

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 2:1

Gakelebale léma: Moab munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é Édom munu nwiinzan blɛn wɔlɛnu kyɛ ble yé é wo kɛlɛ tɔrɛ nya, azama.

Sofoni 2:14

Trubɛ palunu é dan yia lɛ ana, wi gɔnɔ do donu lé. Valusanbla valé ’téli é dan yii lɛ alé kɔnwɛyili nwiin; siaa dérenu é dan we lɛ alé fɛnɛtinu ta. Fɛ sɛrɛlenu é dan kɛlɛ lɛ alé kɔnpa la, yé wo dan alé sɛdrɛyili feenu so lɛ.

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Zakari 2:13

Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.

Mi Nɔnɔle 14:21

Naa, maa a é yuɛma, yé maa Gakelebale lé fuasan é dan tɛrɛ faa fan lɛ.

Rom munu 14:11

Naa, é a é gyɛlɛ sɛbɛ gi léé: Mizambale léé: Maa a é yuɛma, Mi faa é dan ’wo powuo zun lɛ an ’lɛ Yé mi faa nɛnɛ é dan maa Kazambale tɔ bɔ lɛ.

Bélidɔwesɛbɛ Fiézan 29:22

Mikulunu lé wo dan da lɛ, kalé nénu lé ka dan wo yaa lɛ ka zuo, ’wo valé bɛnnu lé wo dan si lɛ tɛrɛ baa la, migyɛgyɛnu valé gyɛnu lé Gakelebale é dan tɛrɛ ’ko la munu gyɛ lɛ a nya, dé wo ’bɛ ye,

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,