Sofoni 2:7 - Kazambale lé Sebe Sauunu 1979

⁷ Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Sofoni 2:7 ပူးပေါင်းရင်းမြစ်များ

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Lɛrɛvɔ Sɛbɛ 80:14

Pɔrɔ gi surugɔné a suni ma blé, Yé bwigiwinu a kɛla ’wo blena nya.

Lɛrɛvɔ Sɛbɛ 85:1

Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛ lé.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 11:14

Wo dan ’wo péli vɔ lɛ do yé wo nwa Filisitinu ma yirivɔnazia, yé wo fɛ si yirinwanazia munu lee gla nya. Édom munu valé Moab munu é dan kɛlɛ lɛ gulizarafɛ nya wo lɛ; Amɔn munu é dan pla lɛ wo wuo.

Ézai 11:16

Alé munu pɔnénu lé wo vo yé wo so Asirinu lee, é dan zi pla lɛ wo lɛ bélé fɛan zo lé é zi pla Izraɛlnu lɛ wo fwiyi la Éjipiti tɛrɛ la, a zo.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 32:14

Wo nwiinzan lé fuakɔn vo, fla lé a gi éé wé turu, ana vo é pla. Alé gɔpané valé kɔn kiilii torole é dan kɛlɛ lɛ bélé gɔmaguru zo yifaama; bwi gi sokofalenu é dan zana gyɛ lɛ ana, é dan kɛlɛ lɛ winu lé fɛblena nya.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:7

Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

Jérémi 32:44

Wo dan féinu lɔ lɛ gɔɔli nya, wo dan woo féilɔsɛbɛnu gyɛ lɛ, wo dan tɔmasenu dɔra lɛ wo ta tanpɔn nya; wo dan anayemunu dɔ lɛ, Bɛnjamɛn tɛrɛ valé Jérusalɛm zi flanu koo, Juda tɛrɛ la flanu koo, gɔ ma flanu koo, fɛna pɛblɛɛ flanu koo, yirinwana bɛyilazia flanu koo, wona. Naa, maa dan da lɛ woo luugimunu nya wo pa gi. Maa Gakelebale ɛ ke a fena.

Jérémi 33:12

Lai sunyanu lé Gakelebale léma: Fɛkona lé ke bwi nya, ’té munu valé winu ’ka ana lo, ’blatabinzannu nyanananu é dan kɛlɛ lɛ ana fla faa la, ’té woo wolé trubɛnu yiaan ana.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 47:5

Gaza munu wo dan ’wo nwin puiɛ lɛ gyɛbole nya, Azkalɔn munu é dan ’wo tadɔ lɛ tétété, mi pɔnénu lé woo nyanaan fɛna pɛblɛɛna, wo é ziin, I dan ibo ma mian lɛ yifaamaa?

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

OZÉ (Osée) 6:11

Dé maa anlé munu si luu gi yé an da wo nya wo pa gi, bii Juda, maa a i bɛnna fɛ do nya.

Abudias 1:19

Ézau lé gɔ é dan kɛlɛ lɛ yirinwana bɛyilazia munu zé nya, Yé Filisitinu lé tɛrɛ é dan kɛlɛ lɛ fɛna pɛblɛɛna munu zé nya. Éfraim munu lé tɛrɛ valé Samari munu lé tɛrɛ é dan kɛlɛ lɛ wozé nya, Yé Galaad tɛrɛ é dan kɛlɛ lɛ Bɛnjamɛn zé nya.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 4:10

Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Agajé 1:12

Séaltiɛl be Zorobabɛl koo, Balebanmunu ’lɛzan Josadak be Jozué koo, mi pɔnénu koo, wo ’wolé Bale Gakelebale dére ’ma, yé we lé Gakelebale wolé Bale balelayezan Agajé pa zia a fena, wa ’ma. Yé kana zén munu gi é baba Gakelebale ’lɛ.

Agajé 2:2

’I we fe Juda tɛrɛ la gbɔrɔnama Séaltiɛl be Zorobabɛl valé Balebanmunu ’lɛzan Josadak be Jozué valé mi pɔnénu faa lɛ. Bé fe wo lɛ léma:

WENÉNÉ LÉ LUK A GYE (Évangile selon Luc) 1:68

Mizan, Izraɛl zé Bale da élé munu va yé é wo tabo, Amalé a drɔɔ ’é vo ma.

WENÉNÉ LÉ LUK A GYE (Évangile selon Luc) 7:16

Kana zén munu faa gi yé wo Kazambale tɔ bɔ a fele nya léé: Balelayezan blɛn bɔra ko méléna, yé Kazambale da élé munu va.

Kelewenu 8:26

Mizambale lé lanje do we fe Filip lɛ yé é léé: ’I nwa yé ’i go yirinwana bɛyila nyéné la, zi lé é si Jérusalɛm yé é zun Gaza, a ta.

Kelewenu 8:40

’té Filip a Azot. Ana lé é si yé é go fɔɔ Sézaré, wenéné fele nya fla faa lé é gié wo ta, ana.

Rom munu 11:5

A zo duo lé, kyɔ é ziin, munu ’léé sɛ lé Bale wo si a va élé zin yɛrama, wo ana tan.

RUT (Ruth) 1:6

’Bɛ zuo Naomi a ’ma Moab tɛrɛ la léé, Gakelebale da élé munu va yé é fɛblele nɔ wo lɛ, amalé é nwa, yee valé é benu nanu nya, sile Moab tɛrɛ la we gi.