Sofoni 2:3 - Kazambale lé Sebe Sauunu 1979

³ Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Sofoni 2:3 ပူးပေါင်းရင်းမြစ်များ

2 Samuɛl 12:22

É a zi pa léé: Bléyian va lé né a tan é yuɛma maa lɔrɔ sɔn‐o, ’té maa wuvɔa, naa, dé Gakelebale nɔdan é nyanai zén lɛ an ta yé né é vo é yuɛmaa? dé ɛ gi dɔɔ?

Lɛrɛvɔ Sɛbɛ 105:4

’Ka Gakelebale laa, ’é bɔ ka va élé plɛplɛ nya. ’Ka a yara gini bléyi faa do do ma.

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 22:26

Bii tɔ zin lé maa dan a fe lɛ zén‐ékevamunu gu blɛn va; Maa dan anlé Bale kunle lɛ sɔɔ lɛ munu lé woo kanaan i lee, wo yuɛ va.

Lɛrɛvɔ Sɛbɛ 31:20

Ilé zin a blɛɛn; Bé tadɔa munu lé woo kanaan i lee, wozé nya, Yé bé no munu lé woo yɔɔna naginian i va, wo lɛ, Blaminu yuɛ va.

Lɛrɛvɔ Sɛbɛ 45:4

Gulidanzan nyanazan, ’i ilé gwɔun dɔ i gyɛn, ’Ilé ’lɛrɛfɛ zén i ta yé ilé fua nagɔɔn.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 76:9

I we gibɔidére zana dɔɔ lagi loru; Gligli zén tɛrɛ gi, yé ébo kun, yé é dɔ flee,

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Fwile 12:27

Ka dan a fe lɛ wo lɛ léé: Mitabo saraka lé; Gakelebale lé é Izraɛl lé nénu lé kɔnnu tabo Éjipiti tɛrɛ la, ’té é Éjipitinu gyɛ yé é kolé kɔnnu vo, a tɔbɔ saraka lé. Munu tua yé wo dia ’wo bli la.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 1:17

’Ka wezin kɛlɛle draan, ’ka kwa kuli léé, kalé we ’é kɛlɛ tegele. Munu lé wa kle pana wo ta, ’ka wo takuun; ’ka we tegele kɛlɛ ti valé bu galazannu lɛ, ’ka dɔ zanagalalomu zuo.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 39:18

Maa dan i si lɛ we gi, wo ’ka dan i gyɛ lɛ gwɔun nya lo; i dan vo lɛ é yuɛma. I pa an ta, azama. Maa Gakelebale ɛ ke a fena.

Jérémi 45:5

Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.

Ézékiɛl 13:5

Ka ’ka go lɛ gɔrɔ guru buruna lo, yé ka ’ka gɔrɔ bo lɛ Izraɛl lé kɔnnu zi, wo dɔle gligli Gakelebale lé gulidanyi nya lo.

OZÉ (Osée) 10:12

’Ka nyana dɛrɛ wo, ’ka we tegele vɔ yé ’ka nyanai zénle gyɛ. Gakelebale nagini bléyi lo, fɔɔ yé é da yé é we tegele nwɛɛn ka lɛ.

OZÉ (Osée) 7:10

Izraɛl lé boblɛn éé wo mawe fé; wo ’ka dan Gakelebale wolé Bale va é ziin lo. Dé maa we faa kɛlɛ wo lɛoo, wo ’ka an naginian lo.

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Matio 5:5

Mi drɔɔnu a bɛan ’bɛ gi bɛ, ’bɛ a é zima wozé nya, naa, tɛrɛ é dan kɛlɛ lɛ wozé nya.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 4:10

Webozen lé, bwenu lé wo ke Masédɔane tɛrɛ faa la, ka wo lɔrɔ paan é ziin. Naa, bwenu, ko we plaan ka lɛ léé, ’ka ka ke lɔrɔpale gi gyɛ é ziin,

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.