Sofoni 2:15 - Kazambale lé Sebe Sauunu 1979

¹⁵ Ginanafla lé ke bɛ; éé nyanaan éboma duaa, ’té éé a fé é bli gi léé: Maa, maa do kpen! Ka yua, é vo é ’bin nya, bwiiwinu yɔɔna lé. Munu faa lé wo dan gié lɛ a sɔnɔ, wo dan ’furu fɛn lɛ yé wo bɛ gɔɔn a ma.

Sofoni 2:15 ပူးပေါင်းရင်းမြစ်များ

JOB (Job) 16:4

Dé ka a kɔɔn nyané blena an zé zo, Maa é ziin, an bɔaléé, an we fe bélé ka zo; ’Té maa an ’wuo nyɔɔn‐an kɔɔn ka ma,

JOB (Job) 27:23

Munu éé ’wo bɛ gya a diale we ma, Yé woo ’furu fɛɛn a gole we ma. Tɔnɔfɛ lé Plɛplɛfaazan é dan a nɔ lɛ a lɛ, yee lé ke bɛ.

Ézai 22:2

Fla bɔ gyɛ, ’té a vun éé wé, ’té a tamunu gi éé nanaan. Ilé munu ’ka dan zamaga wo lɛ gwɔun koo, gulidanmunu koo, wo lee lo.

Ézai 32:11

Tanyila lomu, ’ka kana ma. Kun‐anwo lomu, ka ma ’é nyɔɔn ma; ’ka sɔ si ka ta, ’ka poro, ’ka sɔ dɔ ka gyɛn.

Ézai 32:14

Wo nwiinzan lé fuakɔn vo, fla lé a gi éé wé turu, ana vo é pla. Alé gɔpané valé kɔn kiilii torole é dan kɛlɛ lɛ bélé gɔmaguru zo yifaama; bwi gi sokofalenu é dan zana gyɛ lɛ ana, é dan kɛlɛ lɛ winu lé fɛblena nya.

Ézai 32:9

’Kaa tanyila lomu, ’ka nwa, ’ka tɔné dɔ an dére lɛ. Kun‐anwo lomu nunu, ’ka an ban ka tɔné nya.

Ézai 47:10

I pale a ilé wenaané ta, I léé, mi do kpen ’ka ’é yé lo. Ilé gikini valé ilé wedɔɔle i saan. I lé i bli gi léé: Maa lé, maa, maa do kpen ɛ ke ana.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 2:1

Yé mɛ kɛlɛɛ? Gakelebale bli fli yé é lati bua Siɔn munu ta, É Izraɛl lé fua tɔbɔle si la gi yé é a zun tɛrɛ la, A bli fli yian nya, A gane dɔrana sele ’ka dɔ lɛ a gi lo.

Jérémi Lé Wuvɔ Sɛbɛ 2:15

Giézannu faa woo bɛ gya i ta, Woo ’furu fɛɛn, woo ’wuo nyɔɔn‐an Jérusalɛm munu ma, Yé wo léé: Fla lé wo léé, é a é nɔnɔmi é baba, É a tɛrɛlamunu faa lé ginanamafla nya, yee lé é ke ’koo?

Ézékiɛl 27:36

Munu va yaawozannu ’furu fɛn i ma. I sɛrɛ tata; i bɛ ’ka dan kɛlɛ lɛ é dɛrɛ lo.

Ézékiɛl 28:2

Blami be, bé fe Tii nwiinzan lɛ léma: Mizan Gakelebale léma: Ibo kɛlɛ blɛn yé i léé: Maa lé ke Bale nya; maa a é nyanale Bale nyanala blin ta, wɛyi méléna. Naa bii, i a blami nya; i ’ka Bale nya lo, yé ibo lé blibɔmawe yé Bale lé blibɔmawe nya.

Ézékiɛl 28:9

I dan a fe lɛ i gyɛzan yuɛ va léé: Maa lé ke Bale nyaa? I dan kɛlɛ lɛ blami nya i gyɛzan lee, i ’ka dan kɛlɛ lɛ Bale nya lo.

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Naum 3:19

I tuona gi lia ’ka é dɛrɛ lo. I manɔn a i gyɛfɛ nya. Munu faa lé wo dan i tawe ma lɛ, wo dan wo bɛ gyɛ lɛ i ’wuo ma; naa, mian i ’ka wenyané kɛlɛ lɛ ’bɛzan lɛ lo ’naan, ’bɛzan a kyɛɛn?

Abaku 1:7

Wa di kinié mi gi bɛn valé kanama bɛn nya; woo we kɛla wobo lé plɛplɛ nya, mi do kpen ’ka we dɔnama fé wo lɛ lo.

Matio 27:39

Giémunu a sɔnɔ, ’té woo ’wuo nyɔɔn‐an yé wo léé: