Sofoni 2:11 - Kazambale lé Sebe Sauunu 1979

¹¹ Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Sofoni 2:11 ပူးပေါင်းရင်းမြစ်များ

Wepélisiananu 10:5

Wo ma lé migɔnɔ fan di, yé wo nyana wɛyi worona tɛrɛnu la. Yé wo nyana ’wo bɛntɛrɛ ta do do. Wo dére koo, wo lele koo, wolé bɛn koo, wa do do.

Lɛrɛvɔ Sɛbɛ 138:4

Oo Gakelebale, dé tɛrɛla minwiinzannu faa i dére ’ma tɔɔn, Wo dan i tɔ zin fe lɛ.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Ézai 2:18

Miyilinu faa ta é dan saan lɛ.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Jérémi 10:11

’Ka fe wo lɛ léma: Balenu lé wo ’ka lanu valé tɛrɛ kɛlɛ lɛ lo, Wo dan san lɛ tɛrɛ la, yé wo dan san lɛ lanu wuo.

Jérémi 46:25

Lai sunyanu lé Gakelebale, Izraɛl lé Bale léma: Ka ye, wolé bale lé ke Nofla, ’té wa laama Amon, yee koo, Faraɔn koo, Éjipiti munu koo, wolé balenu koo, wolé mi blɛnblɛnnu koo, Faraɔn valé munu lé woo paan a ta koo, maa dan we lɛdɔ lɛ wo gi.

Daniɛl 11:18

É dan é yara dɔ lɛ wɛyi worona tɛrɛnu ta, yé é dan a kiɛre si lɛ ézé nya, naa, serelebomawe lé é sɔ a lɛ léé, é a kɛlɛ minwiinzan do lɛ, ’bɛzan a nɔlaan azé nya.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Sofoni 1:4

Maa dan an bɛ mane lɛ Juda valé Jérusalɛm munu faa ma; maa dan Baal lé mi pɔnénu kulu ga lɛ fɛkona. Alé minisinu tɔ koo, a banmunu tɔ koo, an dan wo faa yi ga lɛ fɛkona.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 8:20

Lai sunyanu lé Gakelebale léma: Migɔnɔnu valé fla kiɛre tamunu wo dan da lɛ é ziin.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Bélidɔwesɛbɛ Fiézan 32:38

Wo zi bale ’konu lé wo wolé sarakabowi nyɔnɔ blé turu, ’Té woo ’wo bandɔrɔ minian, wa kyɛɛn? ’Wo nwa, ’wo bɔ ka va ma, ’Wo ka takuun ma.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.