Sofoni 1:5 - Kazambale lé Sebe Sauunu 1979

⁵ Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Sofoni 1:5 ပူးပေါင်းရင်းမြစ်များ

1 Minwiinzannu 11:33

Wo si an va yé wo yia ’wo bli la Sidɔn munu lé baleda Asataté koo, Moab lé bale Kémɔs koo, Amɔn munu lé bale Milkɔm koo, wo ’lɛ, yé wo ’ka tawo lɛ anlé zinu ta, we lé ke é drɔle an yuɛ gi, a kɛlɛle we gi lo, yé wo ’ka anlé bélidɔwenu valé an déretawenu kɛlɛ lɛ, Salomɔn ti David a kɛlɛ fɛan zo, a zo lo, amalé maa dan we ’ko kɛlɛ lɛ.

1 Minwiinzannu 11:5

Salomɔn go Sidɔn munu lé baleda Asataté valé Amɔn munu lé bozo bale Milkɔm zuo.

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

2 Minwiinzannu 17:32

Woo kanaan Gakelebale lee é ziin, yé wo munu si munu faa méléna yé wo wo dɔ balebanzannu nya gɔ nwiin yobannanu na; balebanmunu ’ko wolé sarakanu boo gɔ nwiin yobanna kɔnnu gi.

2 Minwiinzannu 17:33

’Bɛ zo lé woo kanaan Gakelebale lee, ’té woo ’wolé balenu bɔa a bléyi duo nya, bɛnnu lé wo si wo va, wo kɛlɛwe yɛrama.

2 Minwiinzannu 17:41

Bɛnnu ’ko, woo kanaan Gakelebale lee, ’té woo ’wolé miyilinu bɔa; we lé wo tinu a kɛlɛ, yee lé wolé nénu valé wolé néné zi nénénu vo a kɛlɛna fɔɔ kyɔ.

2 Minwiinzannu 23:12

Yobannanu lé Juda nwiinzannu a kɛlɛ Akaz lé kɔn nwiin kɔngwa ta, wo valé yobannu lé Manasé a kɛlɛ Gakelebale lé kɔn gɔrɔ fié gi, minwiinzan wo sɛrɛ; wo sɛrɛle zuo é wo si ana yé é wo yee nwɛɛn Sédrɔn yuu va.

Ézai 22:1

Pɛnguru lé woo yuɛzi yé ana, balelawe lé Ézai a fe a ma, yee lo. Jérusalɛm munu, mɛ we ɛ bɔ yé ka faa é go kɔn nwiin?

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Ézai 45:23

Maa anbo ’nyɔɔn‐an Webozen éé bɔraan an ’léé, yé an dére ma ’ka nɔlaan lo; Mi faa é dan ’wo powuo zun lɛ an ’lɛ, Mi faa é dan maa ɛ ’nyɔɔn lɛ.

Ézai 48:1

’Kaa Jakɔb lé munu lé Izraɛl tɔ ke ka ma, ’Té ka ke Juda kulunu nya, ’Té ka Gakelebale tɔ ’nyɔɔnma Yé ka Izraɛl lé Bale tɔ laan, ’Té weboen valé we drɔle ’ka ka gi lo, ’Ka tɔné dɔ we ’ko lɛ.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 49:1

Amɔn munu mawe lo. Gakelebale léma: Izraɛl be do kpen ’ka loo? A zarablezan ’ka loo? Mɛmalé Gad tɛrɛ la vo bale lé wa laama Malkɔm, a lɛ, yé ’bɛ banmunu éé nyanaan ana flanu taa?

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 5:7

Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Jérémi 7:10

’Bɛ faa kɛlɛle zuo yé ka da dɔ lɛ an ’lɛ, kɔn lé woo an tɔ laan ana ’ko, a gi, yé ka léé: Naa, ko a kobo ma, dɔlé ’té bozowe ’konu faa kɛlɛle we ma lé ka da.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Amɔs 5:26

Kalé yo lé sɔkɔn koo, kalé miyilinu dɔlafɛ koo, yo monéné foto lé ka kɛlɛ kabo lɛ koo, ’ka wo si

Matio 6:24

Mi ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi, yé a koɛzan é dan sɔ lɛ a lɛ; é dan nana lɛ a do va, yé é dan a koɛzan ye lɛ boami nya. Ka ’ka bɔa kɛlɛle lɛ Kazambale valé tɛrɛlafuafɛnu wuozannu nya lo.

Kelewenu 10:9

’Bɛ é tu kini dé munu ’ko a zia yé wo bɔ aan wo Jopé sɔnɔ, ’té Piɛri go kɔn nwiin é yiéyi bazorole we ma.

Rom munu 14:11

Naa, é a é gyɛlɛ sɛbɛ gi léé: Mizambale léé: Maa a é yuɛma, Mi faa é dan ’wo powuo zun lɛ an ’lɛ Yé mi faa nɛnɛ é dan maa Kazambale tɔ bɔ lɛ.

Bélidɔwesɛbɛ Fiézan 10:20

’Ka kana Gakelebale, kalé Bale lee, ’ka a bɔ, ’ka buvɔ a ma, ’ka bale ’nyɔɔn a tɔ nya.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.