Sofoni 1:18 - Kazambale lé Sebe Sauunu 1979

¹⁸ Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.

Sofoni 1:18 ပူးပေါင်းရင်းမြစ်များ

Wepélisiananu 6:7

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

1 Minwiinzannu 14:22

We lé ke é naané Gakelebale yuɛ gi, yee lé Juda a kɛlɛ; wolé wenyané kɛlɛle nya lé wo Gakelebale lé maabole nwa é mini wo tranu la.

JOB (Job) 21:30

Wa ye léé, we tɔntɔn bɔyi la, mi nyané éé soo we lee, Blifliyi la, éé sié bliflile wuo.

JOB (Job) 3:15

Té annɔ flin‐é mi blɛnnu lé kyan ke wo lee, Té wolé kɔn a é fanle gɔɔlifu nya, wo va.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Lɛrɛvɔ Sɛbɛ 79:5

Yiba! Gakelebale, i ’ka wé ko zi loo? Yé i bli é dan vo lɛ flina ko ma ’bɛ zoo?

Wegɔnévɔlenu 11:4

Blifliyi nya, fuafɛnu ’ka we do kɛla lo, naa, we tegele kɛlɛle éé mi sié ga lee.

Wegɔnévɔlenu 18:11

Fuafɛnu a fuablezan lé fla plɛplɛ nya; é dɔ a gi léé, wa gɔrɔ torole nya.

Ézai 1:24

Bɛwemalé, Mizan, lai sunyanu lé Gakelebale, Izraɛl lé Mi Plɛplɛ léma: Maa dan we do kɛlɛ lɛ an mazannu lɛ, yé an bli é dɔrala, yé maa dan anzé lɛgi pa lɛ an nyanézannu ma.

Ézai 10:17

Izraɛl vakinisan é dan kɛlɛ lɛ kyɛ nya, yé alé Mi Sauun é dan kɛlɛ lɛ kyɛnɛnɛ nya, yé ’bɛ é dan Asirinu nwiinzan lé léliyilinu valé danannu ble lɛ yi do kpen nya.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Ézékiɛl 16:38

Maa dan ilé we ble lɛ bélé fɛan zo lé woo le bɛ zanaginizan valé mi nyɛ zana lomu lé we blé, a zo. Yé maa dan i kɛlɛ lɛ blifliémafɛ lé wa nyɛ zana maawobli nya, a nya.

Ézékiɛl 23:25

An bli é dan fli lɛ i ma, yé wo wɛwɛ é dan dɔ lɛ i ma, yé wo dan i nyé fɔn lɛ yé wo i tɔné bɔi, yé dé ilé miomian vo, gwɔun é dan a gyɛ lɛ. Wo dan i lunu valé i benu si lɛ; dé ilé fɛofɛan vo wo dan a kyɛ ble lɛ.

Ézékiɛl 7:11

Glawe nwa we lɛdɔle bɛn ple gi we ma. Wo va mi gɔ do kpen ’ka dan kɛlɛ lɛ ana é dɛrɛ lo, mi gu lé wo vun éé wé, wo mi gbau bɛ, a do kpen ’ka dan kɛlɛ lɛ ana é dɛrɛ lo; mi ’ka dan wo wuvɔ lɛ lo.

Ézékiɛl 7:19

Wo dan ’wolé gɔɔlinu nwɛɛn lɛ zinu ta, wo dan serele bo lɛ ’wolé kyan ma. Wolé gɔɔli valé wolé kyan ’ka dan wo si lɛ we gi Gakelebale wɛwɛ dɔyi nya lo. Wolé fuafɛnu ’ka dan lɔrɔ si lɛ wo boennu ma lo, yé é ’ka dan wo bɔn fan lɛ lo; naa, fɛ ’konu ma lé wo vɔ weplenu gi.

Ézékiɛl 7:5

Mizan Gakelebale léma: We tɔntɔn, we tɔntɔn lé a zoɛ bɛ ’ka lo, é a dana.

Sofoni 1:11

Makatɛs munu, ’ka dunnu ma. Naa, munu faa lé woo yaawoo turu, wo wo gyɛ; munu faa lé woo gɔɔli ma we kɛla, wo wo kulu ga.

Sofoni 1:15

Yi ’ko a Bale wɛwɛ dɔyi nya; é a we tɔntɔn bɔ mi ma yi valé gibɔrɔ pa mi ma yi nya; é a ’wiié fɛ ta yi valé fɛsɛrɛyi nya; é a gunu dɔra yi valé fɛna tié yi nya; é a lafu valé loluvɔyi nya.

Sofoni 2:2

ka mawe lé Bale a fe, a lɛsɔɔle ’lɛ, yé yi ’ko é gié bélé ’sapɛɛ zo, Gakelebale lé bliflile ka ma ’lɛ, Gakelebale lé blifliyi bɔle ka ma ’lɛ.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Matio 16:26

Yé dé mi tɛrɛlafɛ faa ye, dé ébozen san, ’bɛ tɔnɔ lé ke mɛ fɛ nyaa? yé mi éé mɛ fɛ no ébozen pa gii?

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?