Sofoni 1:16 - Kazambale lé Sebe Sauunu 1979

¹⁶ É a yi lé woo béli fɛɛn, ’té woo siaan guli ma, fla plɛplɛnu valé flataginifɛna nwalenu ma, a yi nya.

Sofoni 1:16 ပူးပေါင်းရင်းမြစ်များ

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 32:14

Wo nwiinzan lé fuakɔn vo, fla lé a gi éé wé turu, ana vo é pla. Alé gɔpané valé kɔn kiilii torole é dan kɛlɛ lɛ bélé gɔmaguru zo yifaama; bwi gi sokofalenu é dan zana gyɛ lɛ ana, é dan kɛlɛ lɛ winu lé fɛblena nya.

Ézai 59:10

Ko bɛ daan, bélé yuɛwiizan ɛ ke é bɛ danna kɔnguru ma; ko bɛ daan bélé mi lé a yuɛ ’ka lo, a zo; ko sɔné éé saan é yiéyi bélé béli lé; ko a fɛ kiɛre méléna, ’té ko a bélé migalenu zo.

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Ézékiɛl 7:7

Tɛrɛ ’ko lazan, izé bɔ. A bléyi bɔ, a yi bié, gi bɔrɔ payi lé. Yé ginana siaalenu ’ka dan kɛlɛ lɛ gɔnu nwiin é dɛrɛ lo.

OZÉ (Osée) 5:8

’Ka béli fɛn Gibéa! ’Ka béli fɛn Rama! ’Ka siaa plɛplɛ Bɛt‐Avan! Bɛnjamɛn, guli a i zuo.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.

Jozué 6:20

Munu siaa plɛplɛ yé Balebanzannu béli fɛn. Munu béli vun ’ma aan wo, wo siaa plɛplɛ, yé flagɔrɔ zana yé munu faa do do wɔra fla tegele. Wo fla si,