Sofoni 1:15 - Kazambale lé Sebe Sauunu 1979

¹⁵ Yi ’ko a Bale wɛwɛ dɔyi nya; é a we tɔntɔn bɔ mi ma yi valé gibɔrɔ pa mi ma yi nya; é a ’wiié fɛ ta yi valé fɛsɛrɛyi nya; é a gunu dɔra yi valé fɛna tié yi nya; é a lafu valé loluvɔyi nya.

Sofoni 1:15 ပူးပေါင်းရင်းမြစ်များ

Ézai 13:9

Ka ye, Gakelebale lé yi bɔ. Yi nyané lé, blifliyi valé wɛwɛbabané yi lé. É dan wenyanékɛlɛzannu kulu ga lɛ yé tɛrɛ ta é dan vo lɛ tété.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.

Sofoni 2:2

ka mawe lé Bale a fe, a lɛsɔɔle ’lɛ, yé yi ’ko é gié bélé ’sapɛɛ zo, Gakelebale lé bliflile ka ma ’lɛ, Gakelebale lé blifliyi bɔle ka ma ’lɛ.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?