Sofoni 1:14 - Kazambale lé Sebe Sauunu 1979

¹⁴ Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.

Sofoni 1:14 ပူးပေါင်းရင်းမြစ်များ

Ézai 15:4

Esibɔn munu valé Éléalé munu a siaana, woo wo dére maan fɔɔ Jaas. Moab lé gulidan sunya boennu, ’bɛnu a wuvɔna; wo léli fuu si wo ta.

Ézai 33:7

Ka ye, gulidan nyanazannu a siaana béera; yɔfalo fu nwazannu a wuvɔna é baba.

Ézai 66:6

Dére gléglé do we fla, dére do we Balebangikɔn gi. Gakelebale lé éé nyanézannu gooli paan, a dére lé.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 25:36

Woo munu pazannu lé siaalenu maan; woo zi gɔɔn trubɛ lɛzannu dunnulenu maan; naa, Gakelebale wolé trubɛ blena sɛrɛ tata.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 46:5

Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Ézékiɛl 12:23

Amalé, bé fe wo lɛ léma: Mizan Gakelebale léma: Maa dan mi ma wenanadére ’konu yi ga lɛ; wo ’ka dan wo fe lɛ é dɛrɛ Izraɛl tɛrɛ la lo. Bé fe wo lɛ léé: É ’ka ’bɛ zo lo. Yuɛziwenu faa lɛsɔɔyinu a biéna.

Ézékiɛl 30:3

Naa, a yi a biéna, Gakelebale lé yi a biéna. Gunudɔrayi lé. É dan kɛlɛ lɛ bɛnnu zé bléyi nya.

Ézékiɛl 7:12

A bléyi bɔ, a yi bɔ é pu; té fɛlɔzan gi é nana lo, té fɛdanzan bli kyɛ é dɔ lo. Naa, bliflile nwa mi gu blɛn faa ma.

Ézékiɛl 7:16

Dé mi kenu vlanburuoo, ’té wa gɔnu nwiin bélé pɛnguru gi plawuonu zo. Wo faa do do woo dunnuan wobo lé weplenu ma.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Sofoni 1:10

Gakelebale léma: ’Bɛ yi la, munu é dan siaa lɛ flagɔrɔ ’léé lé wa laama pɔgɔrɔ ’léé, ana; wo dan wuvɔ lɛ fla bɛ do la, yé di kiniémigiwe blɛn é dan kɛlɛ lɛ gɔpanénu nwiin.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Kelewenu 2:20

Gunu é dan dɔra lɛ yiri yara Yé moné é dan kɛlɛ lɛ bélé nyɛ zo Mizan dayi blɛn tɔbɔle ’lɛ.

Filip munu 4:5

Munu faa ’é ka dɔɔ bli drɔɔzannu nya ma. Mizan bɔ é pu.

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

Ébrunu 12:26

Bale dére tɛrɛ ma nyɔɔn é vinin, yé sin é lé kaa lɛ léé, é dan fɛnu ma nyɔɔn lɛ é ziin gɔnɔ do, tɛrɛ saa kaan lo, la koo é ziin.

SEBE LÉ JAK A GYE (Épitre de Jacques) 5:9

Bwenu, té ka gun gyɛ ka ke ma lo, té wo kalé we ble lo we gi. Ka ye, Weblezan bɔ é pu.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.