Sofoni 1:13 - Kazambale lé Sebe Sauunu 1979

¹³ Munu é dan ’wii lɛ wolé fɛ zinnu ta, yé wo dan wolé kɔnnu sɛrɛ lɛ. Wo dan kɔnnu dɔ lɛ, naa, wo ’ka dan nyana lɛ wo gi monomono lo. Wo dan dɔrɔféinu pa lɛ, yé wo ’ka dan ana dɔrɔ mini lɛ é dɛrɛ lo.

Sofoni 1:13 ပူးပေါင်းရင်းမြစ်များ

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 15:13

Maa ka leefɛnu valé kalé fɛwezannu no munu lé woo fɛ sian gla nya, wo lɛ, wenyanénu faa lé ka a kɛlɛ fɛfaana kalé tɛrɛ la, wolé we ma.

Jérémi 17:3

Ka wenyané kɛlɛ fɛfaana kalé tɛrɛ la, amalé maa zi nɔ fɛsiéglanyazannu lɛ léé, wo kalé fɛnu si ka lee; ka leefɛnu valé kalé fɛwezannu faa, wo dan wo faa si lɛ kalé féinu ta, wo dan wo faa si lɛ anlé gɔ blɛn nwiin kalé gɔ nwiin yobanna na.

Jérémi 4:20

Woo we tɔntɔn na glewoo, ’té wa woo, Naa, wo ’wii tɛrɛ faa ta, Wo anlé sɔkɔnnu sɛrɛ bléyi do nya fiaa, Wo anlé yɔlaabannu zana yuɛlakɔné gyɛle do nya.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi 9:19

Gyɛbodérenu a wena Siɔn. Ka ye do, ko kulu ga. Yara wɔra ko ’wuo ma bélé sɔ zo, É a lé ko si tɛrɛ ’ko la, Wo ko nyanana guru zana a gi.

Jérémi Lé Wuvɔ Sɛbɛ 5:2

Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

Ézékiɛl 22:31

Maa dan an wɛwɛ dɔ lɛ wo ma. An bli é dan fli lɛ wo ma bélé kyɛblele zo. Maa dan wo kɛlɛwenu dɔ lɛ wo nwiin. A zo lé Mizan Gakelebale a fe.

Ézékiɛl 7:19

Wo dan ’wolé gɔɔlinu nwɛɛn lɛ zinu ta, wo dan serele bo lɛ ’wolé kyan ma. Wolé gɔɔli valé wolé kyan ’ka dan wo si lɛ we gi Gakelebale wɛwɛ dɔyi nya lo. Wolé fuafɛnu ’ka dan lɔrɔ si lɛ wo boennu ma lo, yé é ’ka dan wo bɔn fan lɛ lo; naa, fɛ ’konu ma lé wo vɔ weplenu gi.

Ézékiɛl 7:21

Maa dan wo nɔ lɛ bɛnnu lɛ, ’wii?-?élafɛnu nya; maa dan wo nɔ lɛ tɛrɛ la mi plenu lɛ gulizarafɛnu nya, léé, ’wo wo sɔnné sɛrɛ.

Ézékiɛl 7:24

Munu lé wo bli nyané mini tɛrɛlamunu faa zé ta, maa dan da lɛ wo nya, léé, ’wo wolé kɔnnu si gla nya; maa dan mi plɛplɛnu lé boblɛn glɛ dɔ lɛ, yé wolé fɛna tinlenu sɔnné é dan sɛrɛ lɛ.

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Misé 6:15

Ka dan fɛ vɔ lɛ yé ka ’ka dan a gyɛ lɛ lo; ka dan ɔlivinyɔnɔ kɛlɛ lɛ yé ka ’ka dan nyɔnɔ gié lɛ ka ma lo. Ka dan dɔrɔ boro lɛ yé ka ’ka dan a ’yi mini lɛ lo.

Sofoni 1:9

’Bɛ yi la, munu faa lé woo kɔnpa taboo fɔrɔle nya, maa dan we lɛdɔ lɛ wo gi, munu lé woo ’wozan lé kɔn faan dabliwe valé glawe nya bɛ, woo lé.

Bélidɔwesɛbɛ Fiézan 28:30

I dan le pu dɔ lɛ yé mi bɛ é dan yi gyɛ lɛ a va; i dan kɔn dɔ lɛ yé i ’ka dan nyana lɛ a gi lo; i dan dɔrɔféi pa lɛ yé i gi ’ka dan nana lɛ a poro ma lo.

Bélidɔwesɛbɛ Fiézan 28:39

Ka dan dɔrɔféi pa lɛ, yé ka dan ana wo lɛ, naa, ka ’ka dan a poro so lɛ lo, yé ka ’ka dan a ’yi mini lɛ lo, zirinu é dan vɔ lɛ wo gi ’bɛzama.

Bélidɔwesɛbɛ Fiézan 28:51

Wo dan kalé trubɛnénu valé kalé féifɛnu ble lɛ ka lee fɔɔ yé ka kulu é ga; ’sa koo, dɔrɔ’yi vinin koo, nyɔnɔ koo, dirinu valé ’blanu valé bolinu fanle koo, wo ’ka dan a do kpen vo lɛ ka lee lo, fɔɔ yé ka zamaga wo.