Wegɔné Ma Lɛrɛ 8:8 - Kazambale lé Sebe Sauunu 1979

⁸ Ko zuané le do ana, A nyɔ ’ka tan lo; Dé wo da ko zuané ma laa lɛ yian nya, Ko dan alé we kɛlɛ lɛ kaa?

Wegɔné Ma Lɛrɛ 8:8 ပူးပေါင်းရင်းမြစ်များ

Lɛrɛvɔ Sɛbɛ 2:8

Bé laa an lee yé maa dan bɛnnu nɔ lɛ i lɛ ilé tɔnɔfɛ nya, Maa dan tɛrɛ nɔ lɛ i lɛ izé nya, fɔɔ yé é bɔ a glɛ sina.

Wegɔné Ma Lɛrɛ 4:5

I nyɔ fiénu a bélé ganboroné fié zo, Bélé gan tina ɛ né yaa fiané nya, ’Té woo fɛ blé bolu lé goo méléna, wo zo.

Wegɔné Ma Lɛrɛ 7:3

I kwané a bélé vɛri lé Nwɛ gin néné ’ka nyaa a gi lo, a zo; I kɔlɛ a bélé ’sanwun zun zo, ’Té bolu lé goo a zi lɛ sɔɔ.

Wegɔné Ma Lɛrɛ 8:10

Maa a gɔrɔ nya, Yé an nyɔ a a ta kɔn torole nya; Maa a a yuɛ gi mi lé é vole drɔɔ ye, a nya.

Wegɔné Ma Lɛrɛ 8:9

Dé é kɛlɛ gɔrɔ nya Ko dan gɔɔlifu dɔ lɛ a ta loru, Dé é kɛlɛ kɔn ’léé nya, Ko dan a lɛ tan lɛ sɛdrɛyili nya. —

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

Ézékiɛl 16:61

Naa, dé i buru segelenu valé i zuan lomu da i va yé i wo bɛn si, ’bɛ bléyi va i kɛlɛwe sele é dan dɔ lɛ i gi, yé é dan i gyɛ lɛ yara nya. Maa dan wo nɔ lɛ i lɛ i lunu nya, naa, maa ’ka dan a kɛlɛ lɛ ilé gipawe ma lo.

Ézékiɛl 16:7

Maa i kɛlɛ kiɛre baa ’é baa nya, bélé bwi gi lunu zo. Yé i tinle péli sia; i toro, yé i kɛlɛ é nɔnɔmi kaii; i nyɔ fan yé i nwin tuu. Naa, ’té i a é porole, é porole tata.

Ézékiɛl 23:33

A gi nwɛ é dan i gyɛ lɛ yé i dan kle ble lɛ; I buru Samari lé ’yiminikana A tɛrɛlalɔrɔ nyaa mi ma kana valé mi sɛrɛ tata kana nya.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

Kelewenu 10:1

Gɔné do a Sézaré wa laama Kɔɔnéi. É a sunyayɔsoru ’lɛzan nya Itali munu palu gi.

Kelewenu 16:9

É béli Pɔl we do ye yuɛzi gi; Masédɔane mi do a é dɔle yé ’bɛ zanté vɔ Pɔl lɛ léé: ’I da ’i bɔ ko va Masédɔane.

Kelewenu 22:21

Yé é lé an lɛ léé: ’I go. Maa dan i pa lɛ zia baa bɛn bɛnu va.

Kelewenu 7:38

Munu lé wo zén ékeva bwi gi, yee Moizi a wo va, yé é a lanje va gɔ nwiin, ’té ’bɛ lanje éé we fé a lɛ. Yee Moizi ’ko lɛ lé lanje mi vo é yuɛma dére nɔ, yé é a nɔ kaa lɛ.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.