Wegɔné Ma Lɛrɛ 8:5 - Kazambale lé Sebe Sauunu 1979

⁵ De ɛ ke sina bwi gi bɛ, ’Té é a é tɛnle é sɔlɛzan maa? — Maa i vuo pɔmeyili wuo, ’Bɛna lé i bu i yaa, ’Bɛna lé é i yaa, yé i yi vinin ye. —

Wegɔné Ma Lɛrɛ 8:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Lɛrɛvɔ Sɛbɛ 63:8

Naa, bii a an bɔavazan nya, Yé ginanale lé éé giéan é glɛ la, maa a é nyanale a nya i bɛ wuo.

Lɛrɛvɔ Sɛbɛ 63:9

An boen a é yerele i ma, I bɛyi a é kunle an ma.

Wegɔné Ma Lɛrɛ 2:3

An sɔlɛzan a pɛniɛnu méléna Bélé pɔmeyili lé ke pɔrɔ gi yilinu méléna, a zo. É sɔ an lɛ léé, an nyana a furɔ va, Yé a poro a néné an lagolo ma.

Wegɔné Ma Lɛrɛ 3:11

’Kaa Siɔn lomu, ’ka bɔra, ’Ka nwiinzan Salomɔn nagini, Alé tɔkoro lé a bu a wo a ’wuo ma Alé lesiyi la, A ginanayi nya, ’ka nagini. —

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Wegɔné Ma Lɛrɛ 3:6

Mi lé ke sina bwi gi bɛ, de léé? É a bélé kyɛgoi pɔrɔlɔ zo, Miré valé lasikɔrɔpo koo, Yaawomunu lé fɛginzannu koo, wo goi méléna.

Wegɔné Ma Lɛrɛ 4:8

’I da, ko si Liban, ’ko go, An bwɛ, ’i da, ko si Liban, ’ko go, ’Ko go Amana gɔ nwiin, ’Ko go Sénii valé Eɛmɔn gɔ nwiin, Yé ko dɔ ’bɛna yé ko golizra yiina nagini, Yé ko kua lé gɔnu nagini.

Wegɔné Ma Lɛrɛ 6:10

De ɛ dan bélé tukinile zo bɛɛ? A nɔnɔmi a bélé moné lé, éé bié bélé yiri lé, Naa, é a kanamafɛ nya bélé sunya palunu lé woo dan ’wolé draponu wuo, wo zo. De léé? —

Wegɔné Ma Lɛrɛ 8:1

Oo, dé i vo an bwe nya kɔɔn, ’Té i an bu nyɔ mini, ’Té ko kee i nya béera, ’té maa pwɛpwɛ vɔ i ma. Yé wo ’ka dan wo nyé yéli lɛ an ma lo.

Ézai 36:6

Bé ye do, i pale a Éjipiti ta. Gyan yélile lé bé si i dɔgi plɛplɛ fɛ nya, ’té dé miomian é dɔ a ta, éé ’bɛ bɛ fɔn‐o; ’bɛ zo lé Éjipiti tɛrɛlamunu nwiinzan ke, munu faa lé wo pale ke a ta, wo lɛ.

Ézai 40:3

Dére do siaa léé: ’Ka Gakelebale lé zi pla bwi gi, ’Ka kolé Bale lé gbéin ta bɔ ékema Fɛna gale na.

Ézai 43:19

Ka ye, maa a dana we dɛrɛ kɛlɛ lɛ, é bɔ é pu; Ka ’ka a yé loo? Maa dan zi pla lɛ nyéné lé fɛna, Maa dan yuunu bɔra lɛ bwi gi.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

OZÉ (Osée) 12:4

Jakɔb kun é bwe ganetɛn ma wo bu bɔn gi. Alé plɛplɛ bléyi va, é buo si Bale va.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

WENÉNÉ LE JAN A GYE (Évangile selon Jean) 13:23

Jézu zuomi do lé ’bɛ sɔ a lɛ, ’bɛ a é tɛnle a ma.

Rom munu 7:4

A zo duo lé, an bwenu, ka é ziin, ka kɛlɛle Krist kɔlɛ va lé we ma lé ka ga bélidɔwe vazia, ka kɛlɛlɛ mi bɛ zé nya we ma, mian é nwa gamunu va, ka kɛlɛlɛ ’bɛzan zé nya we ma, Kazambale lé tɔnɔ yele kaa ma we gi.

Galasi munu 4:19

Ka a anlé nénu nya; kalé we ma lé maa a nyané blena é ziin né yaale lé nyanéblelenu zo, fɔɔ yé Krist ’é kɛlɛ ka bli gi.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

Wegɔɔnle 12:6

Yé lezan vɔ fli gi yé é go bwi gi, fɛna lé Kazambale a ma’lɛrɛ azé nya, ana, yé wo fɛblele nɔ a lɛ ’bɛna yi wuru suiɛdo yi yɔ yaa.