Wegɔné Ma Lɛrɛ 8:1 - Kazambale lé Sebe Sauunu 1979

¹ Oo, dé i vo an bwe nya kɔɔn, ’Té i an bu nyɔ mini, ’Té ko kee i nya béera, ’té maa pwɛpwɛ vɔ i ma. Yé wo ’ka dan wo nyé yéli lɛ an ma lo.

Wegɔné Ma Lɛrɛ 8:1 ပူးပေါင်းရင်းမြစ်များ

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Wegɔné Ma Lɛrɛ 1:2

’É pwɛpwɛ vɔ an ma ma, Ilé sɔlɛle a néné é mini dɔrɔ ta;

Wegɔné Ma Lɛrɛ 7:13

Bladi ko dan go lɛ dɔrɔ féi, Dé dɔrɔ punla nɛɛ? dé a vwinu bii? Dé grénadéyilinu vwinu bii? yé ko wo ye. ’Bɛna lé maa dan anlé sɔlɛle nagɔɔn lɛ i lɛ.

Wegɔné Ma Lɛrɛ 8:2

É sɔ an lɛ léé, an go i nya an bu lé kɔn ’léé; Yé i dan we paa lɛ an gi, Yé maa dan dɔrɔ gin nénézan nɔ lɛ i lɛ, Anlé grénadéyili ’yi dɛrɛ lé.

Ézai 60:14

Yaaitazannu é dan dia lɛ i ’lɛ; Wo lé wo serele bo i ma, wo dan ’wo ’wuo wɔra lɛ i gane wuo. Wo dan i laa lɛ Gakelebale lé fla; Wo dan i laa lɛ Izraɛl lé Mi Sauun lé Siɔn fla.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LÉ LUK A GYE (Évangile selon Luc) 12:8

Maa lé ka lɛ léé, mian é an tɔ bɔraan munu va, maa blami Be maa dan a tɔ bɔra lɛ é ziin Kazambale lé lanjenu va;

WENÉNÉ LÉ LUK A GYE (Évangile selon Luc) 18:9

Yé é gɔné do vɔ é ziin, mi kenu lé é a wo gi léé, ’wa tegele ’té wo ’ka mi bɛnu yé mi nya wo yuɛ gi lo, wolé we ma.

WENÉNÉ LÉ LUK A GYE (Évangile selon Luc) 2:38

Yee é ziin, é da yee bléyi duo nya yé é Kazambale tɔ zin fe, yé munu faa lé wo ke Jérusalɛm munu vole woboma lɛbɛnna, é Jézu lé we fe wo lɛ.

WENÉNÉ LÉ LUK A GYE (Évangile selon Luc) 9:26

Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

1 Korent munu 1:28

Fɛnu lé wo ke tadanmafɛnu nya tɛrɛlamunu yuɛ gi, ’té woo selele boo wo ma bɛ, ’té wo ’ka wo yé fɛ nya boenwo lo, Kazambale wo si a va, fɛnu lé wo ke ana, wo sile ana tata we gi,

Galasi munu 4:26

Naa, lagi loru Jérusalɛm a miné lu nya. Yee ɛ ke kaa bu nya.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.