Wegɔné Ma Lɛrɛ 7:12 - Kazambale lé Sebe Sauunu 1979

¹² An sɔlɛzan, ’i da, ’ko go féi, Ko nyana fla ma.

Wegɔné Ma Lɛrɛ 7:12 ပူးပေါင်းရင်းမြစ်များ

Lɛrɛvɔ Sɛbɛ 122:5

Ana lé weblena ke, yé woo we blé tegele, David valé é kulunu lé.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 73:25

De ɛ ke anzé nya la gii? Bii do kpen kaan loo? Yé an gi éé nanaan bii do ɛ gi tɛrɛ la ’ko.

Fwile 25:22

’Bɛna lé ko dan kee lɛ i nya; maa dan anlé bélidɔwenu faa nɔ lɛ i lɛ Izraɛl lé nénu zé nya, nyanai zé mi la nyanana ta loru, sérubɛnnu lé i wo dɔ wenayefɛ pagikɛsu ta, wo méléna.

Wegɔnévɔlenu 8:17

Munu lé an sɔ wo lɛ, wo sɔ an lɛ, Yé munu lé woo an ginian, woo an yé.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Wegɔné Ma Lɛrɛ 2:13

Bɔrɔyili poro a tanana, Dɔrɔféi vwi gin a nwɛɛnna. An bwɛ nɔnɔmi, ’i nwa, ’i da.

Wegɔné Ma Lɛrɛ 2:15

’Ka blén zo kuané kun ko lɛ, Blén zo kuanénénu lé woo dɔrɔféi sɛra, ’ka wo kun; Naa, kolé dɔrɔ vwi a bina.

Wegɔné Ma Lɛrɛ 4:13

I a bélé féi lé ana fɛnu gɔn bɔ, a zo; grénadéyilinu ana; Yilinu lé wo poro ke é zima, wana, ’Bɛ valé troɛneyili valé nariyili nya.

Wegɔné Ma Lɛrɛ 4:16

Fudrɔɔ, ’i da, fu liéliéné, ’i da, ’Ka gié anlé féi ta, yé a gin néné ’é nwɛɛn. — An sɔlɛzan ’i da ilé féi ma, Bé poro zima ble ma. —

Wegɔné Ma Lɛrɛ 6:11

An zun yiliwɔlɛ féi Pɛnguru gi lu tuule naginile we ma, Dé dɔrɔ punla nɛɛ? Dé grénadéyili vwi bii? yé maa ye.

Wegɔné Ma Lɛrɛ 7:11

Maa a an sɔlɛzan zé nya, Yé a bli bɔ an ma.

Wegɔné Ma Lɛrɛ 7:6

I ’wuo a é nwale loru bélé Kaamɛl gɔ zo, I nwinnu a bélé sɔ ti drɔndrɔn zo; I nwin éé minwiinzan blɛn yerean.

Ézai 18:5

Naa, fɛ sobléyi ’lɛ, dé dɔrɔyili a nɛɛna, dé a vwi bi yé a poro baa yé é tana, maa dan a bɛnu bɔi lɛ kɔblané nya, maa dan a yilinu ma bɔi lɛ.

Kelewenu 15:36

Yi kenu gié. ’Bɛ zuo Pɔl lé Banabas lɛ léé: ’Ko go é ziin fla faa lé ko Mizan dére fe ana yi la bɛ, wona, yé ko bwenu tagini, yé dé wa kaa? yé ko gi dɔɔ.

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

2 Korɛnt Munu 13:5

’Ka kabozen nagini, dé ka a blipale gii? ’Ka kabo gi dan. Ka ’ka a gi dɔɔa léé, Jézu Krist a ka gi loo? Taa, ka a munu lé wo sɔn vɔ wo ma, wo nyaa?

Éfez munu 6:24

Munu faa lé Kaazan Jézu Krist sɔ wo lɛ sɔlɛle bozen nya, Bale ’é zin kɛlɛ wo lɛ ma.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 2:13

Yé é ziin, é léé: Maa dan anbozen bɛ pa lɛ i lee. Yé é lé é ziin léé: Maa lo; maa valé nénu lé Kazambale wo nɔ an lɛ, ko lo.

Ébrunu 2:15

yé munu faa lé wo kɛlɛ luunu nya wolé tɛrɛla faa gi kanale ga lee we ma, yé é ’bɛnu si we gi.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.