Wegɔné Ma Lɛrɛ 5:6 - Kazambale lé Sebe Sauunu 1979

⁶ An kɔn lɛ so an sɔlɛzan lɛ; ’Té an sɔlɛzan go é kwakwa, a ta san. É we fe an lɛ, naa, an dɔ dan‐uun é pla. Maa a gini, maa ’ka a ye lɛ lo; Maa a laa, yé é ’ka we lɛ an lɛ lo.

Wegɔné Ma Lɛrɛ 5:6 ပူးပေါင်းရင်းမြစ်များ

Wepélisiananu 42:28

É lé é bwenu lɛ léé: Wo anlé gɔɔli nɔla an ma é pa gi. Yee lé ke anlé pulu gi ’ko. Wo gi nyɛ kini, yé wo kɔlɛ gi nyɔɔn, yé wo lé wo ke lɛ léé: Mɛ we lé Kazambale a kɛlɛ ko lɛ ’koo?

2 Samuɛl 16:10

Naa, minwiinzan léé: Séruja be, i gane a anlé we gii? Dé é bale pa an ma, ’bɛ gi léé, Gakelebale ɛ fe a lɛ léé, ’é bale pa David ma. Amalé de ɛ dan a fe lɛ a lɛ léé, mɛmalé i we kɛla ’bɛ zoo?

Lɛrɛvɔ Sɛbɛ 28:1

David zé lé. Gakelebale, an siaan bii ɛ lɛ. Anlé gɔlɛgɔ, té i kɛlɛ tɔnéwiizan nya an dére ma lo, Dé i si an ma baa yé i ’ka an dére zi vɔ lɛ lo, An dan kɛlɛ lɛ bélé munu lé woo zunwo guru blɛn gi, wo zo.

Lɛrɛvɔ Sɛbɛ 30:7

Bléyian va lé maa a anboma, maa léé: An ’ka dan saan lɛ pelo.

Lɛrɛvɔ Sɛbɛ 69:3

An vɔa voli gi, maa ’ka dɔna yé lo; An vɔ guru lé wo ’ka a wɔlɛma nyaana yé lo, a gi, yé ’yinu an ta pla;

Lɛrɛvɔ Sɛbɛ 77:3

An Mizan naginian anlé klebleyi la, É béli, an bɛ nwaan a lɛ, ’té an wɔlɛ gi ’ka nyaan an ma lo; An boen éé sɔn vɔa é tɔrɔpaale ma,

Lɛrɛvɔ Sɛbɛ 80:4

Baleoo, Bale ’i ko nwa, ’I yara soi ko lɛ, yé ko dan si lɛ we gi.

Wegɔnévɔlenu 1:28

Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔné Ma Lɛrɛ 5:2

Maa a yibla, naa, an bli a é vuole; Maa an sɔlɛzan dére ’ma kɔkɔ gyɛna: — É léé: An buru, an bwɛ, Anlé plala, anlé gun‐amalozan, ’i kɔn lɛ so an lɛ; Naa, fli vɔ an ’wuo ma, An nwin a é fanle lolu nya. —

Wegɔné Ma Lɛrɛ 5:4

An sɔlɛzan é bɛ wɔra fɛnɛti la, Yé a lɔrɔ zén an ta.

Wegɔné Ma Lɛrɛ 6:1

Bi lé i nɔnɔmi mini lomu faa ta, I sɔlɛzan go kyɛɛn? I sɔlɛzan go kyɛnziaa? Ko dan pa lɛ i va, a ginile we gi. —

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Jérémi Lé Wuvɔ Sɛbɛ 3:8

Maa siaa plɛplɛ léé, mi do ’é bɔ an va, É ’ka anlé bazorole nyi si lɛ lo.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Matio 26:75

Yé dére lé Jézu a fe léé: Dé manegɔné ’ka tan we lɛ lo, i dan a fe lɛ gɔnɔ yaa léé, ’é ’ka an dɔɔa lo, a sele dɔ Piɛri gi. Yé é bɔra yé é vo wuvɔna kaii.

Maak 14:72

’Bɛna tɔɔn, yé manegɔné we a gɔnɔ fiézan nya. Yé dére lé Jézu a fe Piɛri lɛ, a sele dɔ a gi léé: Dé manegɔné ’ka tan we lɛ a gɔnɔ fiézan nya lo, i dan a fe lɛ gɔnɔ yaa léé, ’é ’ka an dɔɔa lo. É vo é gi bɔrɔna ’bɛ ma yé é wuvɔ.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.