Wegɔné Ma Lɛrɛ 5:2 - Kazambale lé Sebe Sauunu 1979

² Maa a yibla, naa, an bli a é vuole; Maa an sɔlɛzan dére ’ma kɔkɔ gyɛna: — É léé: An buru, an bwɛ, Anlé plala, anlé gun‐amalozan, ’i kɔn lɛ so an lɛ; Naa, fli vɔ an ’wuo ma, An nwin a é fanle lolu nya. —

Wegɔné Ma Lɛrɛ 5:2 ပူးပေါင်းရင်းမြစ်များ

Wepélisiananu 29:20

Amalé Jakɔb nyanama pa lɛɛ sɔrafié Rasɛl we ma; wa a yuɛ gi bélé yi sɛ zo; lezan sɔ a lɛ, azama.

Lɛrɛvɔ Sɛbɛ 119:1

Munu lé gun ’ka wolé tawobɛ ma lo, ’Té woo tawoo Gakelebale lé bélidɔwe yɛrama, wozé a néné.

Lɛrɛvɔ Sɛbɛ 81:10

Té bale bɛ do kpen é kɛlɛ ana ka va lo, Té ka dia ka bli la bale bɛnu ’lɛ lo.

Wegɔnévɔlenu 23:26

An be, ’i bli nɔ an lɛ, anlé zinu ’é sɔ i lɛ ma.

Wegɔné Ma Lɛrɛ 1:16

An sɔlɛzan, i a é nɔnɔmi, bii do kpen ɛ sɔ an lɛ; Kolé yialafɛ a bélé lu drɔɔ zo.

Wegɔné Ma Lɛrɛ 2:10

An sɔlɛzan we fe an lɛ yé é lé an lɛ léé: An bwɛ nɔnɔmi, ’i nwa, ’i da.

Wegɔné Ma Lɛrɛ 2:14

Anlé plawuo, bii a é yɔɔle gɔlɛfee gyɛna gi, I a é yɔɔle gɔlɛkoro gi, ’I yara gɔɔn an lɛ, ’I we, ’maa ’ma, Naa, i dére a néné yé i yara an gi nanaan.

Wegɔné Ma Lɛrɛ 2:8

An sɔlɛzan dére lé éé wé bɛoo bɛ! Bé ye, yee lé é dan Fɔrɔle nya gɔnu nwiin miɛ, ’Té éé zunwo gɔpanénu nwiin.

Wegɔné Ma Lɛrɛ 3:1

É béli, anlé yialafɛ ta, mi lé an bli bɔ a ma, maa a gini. Maa a nagini, yé maa ’ka a ye lɛ lo.

Wegɔné Ma Lɛrɛ 4:7

An bwɛ, i a é nɔnɔmi bɛ faa ma. Gun do kpen ’ka i ma lo.

Wegɔné Ma Lɛrɛ 4:9

An buru, an bwɛ, an bli faa go i zuo, I yuɛ vɔ an ta do kpen yé an bli faa go i zuo, I bɔrɔmakyan bale do an sia ana.

Wegɔné Ma Lɛrɛ 5:11

A ’wuo a kyan tegele bozen nya; A nwin a grɔgrɔ É ti bélé vwiɛ kyɛɛ zo.

Wegɔné Ma Lɛrɛ 5:6

An kɔn lɛ so an sɔlɛzan lɛ; ’Té an sɔlɛzan go é kwakwa, a ta san. É we fe an lɛ, naa, an dɔ dan‐uun é pla. Maa a gini, maa ’ka a ye lɛ lo; Maa a laa, yé é ’ka we lɛ an lɛ lo.

Wegɔné Ma Lɛrɛ 6:9

Naa, anlé plala, anlé gun‐amalozan a do kpen; É a é bu lé néwɔlɛ do kpen nya, É a é yaazan sɔlɛné nya. Blɛnnu a ye, yé wo léé, azé a néné; Minwiinzan blɛn nanu valé a bwɛnu é ziin, wa tɔ zin fé. —

Wegɔné Ma Lɛrɛ 7:9

Maa léé: An dan yɔ gié lɛ Yé an kun a bɛnu ma. I nyɔnu ’é kɛlɛ bélé dɔrɔporo pan zo, Ilé flinle gin ’é kɛlɛ bélé pɔme gin zo,

Wegɔné Ma Lɛrɛ 8:7

’Yi blɛnnu ’ka bɔa sɔlɛle kinile lɛ lo, Yuunu ’ka a ta yɔɔan lo; Dé mi élé kɔngifɛnu faa nɔ, sɔlɛle yele we ma, Wo dan nyé yéli lɛ a ma é pla.

Ézai 50:6

Maa an lala nɔ an blamunu lɛ, Maa an blin nɔ an puomagun soowɔlazannu lɛ; Maa ’ka an yara yɔɔ lɛ An sɔnɔle valé ’lélibɔlɛ vɔle an yara lee lo.

Ézai 52:14

A yara sɛrɛ fɛan zo, ’Té a yara ’ka blami yara nya é dɛrɛ lo, amalé É kana zén mi kiɛre gi é vinin;

Daniɛl 8:18

É a we fena an lɛ bléyian va, ’té maa a é diale tɛrɛ va é zɔrɔle. É bɛ mane an ma yé é an dɔ loru fɛana lé an ke é vinin, ana.

Zakari 4:1

Lanje lé ko ke wefena a nya, é da é ziin, yé é an vuo bélé woo yiblazan vuoan fɛan zo, a zo.

Matio 7:8

Naa, dé miomian éé fɛ laan, woo fɛ no a lɛ; mian éé fɛ ginian, éé fɛ yé; yé woo kɔn lɛ soo mian éé duoli gya, a lɛ.

Matio 8:17

we lé balelayezan Ézai a fe, a lɛsɔɔle we gi. É léé: É ko mayaalenu si, yé é ko gyɛgyɛnu kɛlɛ ’ébo nwiin kɔné nya.

Maak 1:35

Manegɔné fiézan wele nya, Jézu nwa yé é bɔra yé é go bwi gi bazoro lɛ.

WENÉNÉ LÉ LUK A GYE (Évangile selon Luc) 22:44

É a nyané blena kaii, yé é bazoro plɛplɛ taa nya yé kyɛyee nyi bɔra a ma nyɛ nya yé é zana tɛrɛ va.

WENÉNÉ LÉ LUK A GYE (Évangile selon Luc) 6:12

’Bɛ bléyi va Jézu go gɔ nwiin bazorole we gi, yé é tu kini bazorole nya Kazambale lɛ.

WENÉNÉ LÉ LUK A GYE (Évangile selon Luc) 9:32

’Té yi vɔ Piɛri valé é bɔlunu yuɛ la; naa, wo vuo aan wo tɔɔn yé wo Jézu lé fuasan valé é va mi fié ye.

WENÉNÉ LE JAN A GYE (Évangile selon Jean) 10:4

Abozen lé ’blanu faa bɔrale zuo, éé tawoo wo ’lɛ. ’Blanu a dére dɔɔ, amalé woo goo a zuo.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

Wegɔɔnle 3:20

Bé ye, maa a é dɔle kɔn ’léé, ’té maa duoli gya. Dé mian é an dére ’ma yé é kɔn lɛ so an lɛ, ’té maa a wɔrana a va, yé maa fɛ blé a va yé éé fɛ blé an va.

Wegɔɔnle 3:4

Naa, ’kaa Saad mi kenu ana duowo, ka ’ka kalé sɔnu tiri dɔ lɛ lo; amalé a yara lé ka dan tawo lɛ an va sɔ funu nya ka ta.