Wegɔné Ma Lɛrɛ 5:15 - Kazambale lé Sebe Sauunu 1979

¹⁵ A ganenu a bélé gɔlɛwezan fu wɛyili zo, ’Té wa é dɔrale kyan tegele bozen ta. É a é zima bélé Liban tɛrɛ lé A tɔ ke é bɔle sɛdrɛyilinu va, a zo.

Wegɔné Ma Lɛrɛ 5:15 ပူးပေါင်းရင်းမြစ်များ

1 Minwiinzannu 4:33

É yilinu ma we fe, é sia Liban lé sɛdrɛyili ma fɔɔ yé é bɔ izopéyili lé éé bɔraan flagɔrɔ ma, a ta; winu koo, mianénu koo, ménénu koo, pɔnu koo, é wo ma we fe é ziin.

Lɛrɛvɔ Sɛbɛ 80:10

I fɛna ma’lɛrɛ a ’lɛ; Yé a suninu wɔra tɛrɛ gi, yé é tɛrɛ fan;

Lɛrɛvɔ Sɛbɛ 92:12

Dé an yuɛ vɔ an nyanézannu ta, an gi éé nanaan, Dé maa an mazannu dére ’ma, an gi éé nanaan.

Lɛrɛvɔ Sɛbɛ 92:13

Mi tegelenu éé tin‐é bélé yɔ zo, Woo toroan bélé Liban lé sɛdrɛyili zo.

Fwile 26:19

I dan a ganevɔgi gɔɔlifu yɔ fié pla lɛ yilifee yɔ do wuo, yilifee do ganevɔgi gɔɔlifu a fié, a gane fié vɔgifɛ nya.

Wegɔné Ma Lɛrɛ 2:14

Anlé plawuo, bii a é yɔɔle gɔlɛfee gyɛna gi, I a é yɔɔle gɔlɛkoro gi, ’I yara gɔɔn an lɛ, ’I we, ’maa ’ma, Naa, i dére a néné yé i yara an gi nanaan.

Wegɔné Ma Lɛrɛ 4:11

An bwɛ, zɔrɔnyɔnɔ a i lɔlu gi; Zɔrɔnyɔnɔ valé nɔnɔ a i nɛnɛ la. Ilé varɔ gi gin a néné bélé Liban gin zo.

Wegɔné Ma Lɛrɛ 7:4

I nyɔ fiénu a bélé gan boroné fié zo, Bélé gan tina lé é né yaa fiané nya, a zo.

Jérémi Lé Wuvɔ Sɛbɛ 4:7

A nwiinzannu kɔlɛ éé bié é mini tɔrɛ ta, A fu mini dirinyɔyi ta. Wo kɔlɛ a sɔɔn, kɔlɛ lé wa vɔ zéri’yi va, a zo. Wo yara a bélé safiigɔlɛ zo.

Ézékiɛl 17:23

Maa dan a suru lɛ gɔ blɛn torole nwiin, Izraɛl tɛrɛ la. A bɛnu é dan kɛlɛ lɛ yé é dan é poro baa lɛ, yé é dan kɛlɛ lɛ sɛdrɛyili nɔnɔmi kaii nya. Miané gɔnɔ faa do do é dan nyana lɛ a bɛnu la. Yé fɛnu faa lé wo bɛanu ke, wo dan nyana lɛ a bɛnu furɔ va.

Ézékiɛl 31:8

Kazambale lé féi sɛdrɛyilinu ’ka gié lɛ a ta lo, Siprɛyilinu ’ka bɔ lɛ a blannu nya ékema lo, Yé plataneyilinu ’ka bélé a bɛnu zo pelo; Wo ’ka a nɔnɔmi daan Bale lé féi yili do kpen ma lo.

OZÉ (Osée) 14:7

Munu é dan nyana lɛ a furɔ va, Yé wo dan ’sa gyɛ lɛ di. Wo gi é dan gyɛ lɛ bélé dɔrɔyili zo, Yé wo tɔ é dan bɔ lɛ bélé Liban nwɛ zo.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

Matio 17:2

A yara dɔbɛ nɔla wo yuɛ va, yé a yara bi nyananyana bélé yiri zo, yé alé sɔnu kɛlɛ fu tata bélé san zo.

Matio 28:3

A yara a bélé lɛɛ yuɛwuovɔle zo, yé alé sɔ a fu tata bélé tɔrɛ lé a gi éé bié, a zo.

Kelewenu 2:28

I mibélizinu nagɔɔn an lɛ, I dan an fan lɛ gi nanale nya i yara.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Weblezannu 13:6

Lezan go a fe lɛ é zana lɛ léé: Bale lé mi do da an va yé a yara a bélé Bale lé lanje do yara zo, é kana zén mi gi. Maa ’ka a sina laa lɛ lo, yé é ’ka é tɔ fe lɛ an lɛ lo.