Wegɔné Ma Lɛrɛ 5:1 - Kazambale lé Sebe Sauunu 1979

¹ An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Wegɔné Ma Lɛrɛ 5:1 ပူးပေါင်းရင်းမြစ်များ

Wepélisiananu 37:25

’Bɛ zuo yé wo nyana fɛblena. Wo yara nwa yé wo Ismaɛl munu valé nyɔgɔménu ye dana. Wo si Galaad tɛrɛ la. Zianbla ginzannu koo, baumélia koo, mirélia koo, wa wolé nyɔgɔmé punu kɔné nya, ’té wo goan Éjipiti tɛrɛ la.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 16:3

Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

Wegɔnévɔlenu 24:13

An be, ’i zɔrɔnyɔnɔ ble, naa, é a é zima; yé zɔrɔyoduo é dan kɛlɛ lɛ néné i nɛnɛ la.

Wegɔnévɔlenu 9:5

’Ka daoo ’ka da, ’ka anlé buru ble, ’ka anlé dɔrɔ kuule mini;

Bale Lé We Gifezan 2:5

anlé zianféinu valé porobaayilinu féi pa, yé an porobaayili gɔnɔ faa suru ana;

Wegɔné Ma Lɛrɛ 1:13

An sɔlɛzan a bélé miré poné lé, Éé yiian an nyɔnu méléna, a zo.

Wegɔné Ma Lɛrɛ 4:16

Fudrɔɔ, ’i da, fu liéliéné, ’i da, ’Ka gié anlé féi ta, yé a gin néné ’é nwɛɛn. — An sɔlɛzan ’i da ilé féi ma, Bé poro zima ble ma. —

Wegɔné Ma Lɛrɛ 4:8

’I da, ko si Liban, ’ko go, An bwɛ, ’i da, ko si Liban, ’ko go, ’Ko go Amana gɔ nwiin, ’Ko go Sénii valé Eɛmɔn gɔ nwiin, Yé ko dɔ ’bɛna yé ko golizra yiina nagini, Yé ko kua lé gɔnu nagini.

Wegɔné Ma Lɛrɛ 6:11

An zun yiliwɔlɛ féi Pɛnguru gi lu tuule naginile we ma, Dé dɔrɔ punla nɛɛ? Dé grénadéyili vwi bii? yé maa ye.

Wegɔné Ma Lɛrɛ 6:2

An sɔlɛzan go élé féi, Élé flɛri ginzan féi, Fɛblele nɔle we ma élé trubɛnu lɛ féi, É valé bolu lé goo sole we ma.

Wegɔné Ma Lɛrɛ 8:1

Oo, dé i vo an bwe nya kɔɔn, ’Té i an bu nyɔ mini, ’Té ko kee i nya béera, ’té maa pwɛpwɛ vɔ i ma. Yé wo ’ka dan wo nyé yéli lɛ an ma lo.

Wegɔné Ma Lɛrɛ 8:13

Nyanaféitazan, An béénu woo tɔné dɔa i dére lɛ, Bé kɛlɛ, yé ’maa i dére ’ma ma.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 5:1

Lɛrɛ lé an sɔlɛzan a vɔ élé dɔrɔféi ma, maa dan a vɔ lɛ an sɔlɛzan lɛ. An sɔlɛzan lé dɔrɔféi ana, Gɔpané lé ana tɛrɛ ke é zima, ana.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Ézai 61:11

Naa, tɛrɛ éé fɛ kɛla fɛan zo, Yé zian féi gɔn éé bɔa fɛan zo, A zo duo lé Mizan Gakelebale é dan silewegi valé tɔzinfele bɔra lɛ, Bɛnnu faa yuɛ va.

Ézai 65:13

Bɛwemalé Mizan Gakelebale léma: Ka ye, an wuozannu é dan fɛ ble lɛ yé lɔrɔ é dan ka gyɛ lɛ; ka ye, an wuozannu é dan ’yi mini lɛ, yé ’yiminilɔrɔ é dan ka gyɛ lɛ; ka ye, an wuozannu gi é dan nana lɛ yé ka gi é dan blin lɛ ka ma;

Ézai 66:14

Ka dan a ye lɛ, yé ka dan fan lɛ ginanale nya, yé ka wɔlɛi é dan dɔ lɛ ka ma bélé lutolu zo. Gakelebale é dan élé plɛplɛ nagɔɔn lɛ é wuozannu lɛ, naa, a nyanézannu é dan alé bliflile dɔɔ lɛ ’wo kɔlɛ ma.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

WENÉNÉ LÉ LUK A GYE (Évangile selon Luc) 12:4

’Kaa lé ka ke an béénu nya, maa lé ka lɛ léé, wo lé woo mi kɔlɛ gya, yé ’bɛ zuo wo ’ka bɔa we bɛ kɛlɛle lɛ lo, té ka kana wonu lee lo.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Kelewenu 11:29

Zuomunu ’wo dére pa do léé, fɛ lé mi do éé bɔa a yele lɛ, ’wa pa bwenu lé wo ke Judé tɛrɛ la, wo lɛ zia, bɔ wo va fɛnu nya.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Weblezannu 14:11

Wa ye aan wo, wo pɛniɛnu yɔ do wɔlɛ vu laa a bɔlunu nya.

Weblezannu 14:20

Yé wo a na nɔ a bɔlu do lé ke a béé nya, a lɛ.