Wegɔné Ma Lɛrɛ 2:3 - Kazambale lé Sebe Sauunu 1979

³ An sɔlɛzan a pɛniɛnu méléna Bélé pɔmeyili lé ke pɔrɔ gi yilinu méléna, a zo. É sɔ an lɛ léé, an nyana a furɔ va, Yé a poro a néné an lagolo ma.

Wegɔné Ma Lɛrɛ 2:3 ပူးပေါင်းရင်းမြစ်များ

Lɛrɛvɔ Sɛbɛ 45:2

An bli a é fanle dére nénénu lé ke kɔɔna an bli gi, wo nya. Maa léé: An nyanama paan minwiinzan blɛn lɛ. An nɛnɛ ’é kɛlɛ bélé sɛbɛgyɛzan lé éé sɛbɛ gya é zua, alé sɛbɛgyɛyili zo ma.

Lɛrɛvɔ Sɛbɛ 45:3

I a é nɔnɔmi é mini blami benu ta, Zin a é zénle i lɔlu gi Amalé Bale i drɔɔ vo yifaama.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Wegɔné Ma Lɛrɛ 1:16

An sɔlɛzan, i a é nɔnɔmi, bii do kpen ɛ sɔ an lɛ; Kolé yialafɛ a bélé lu drɔɔ zo.

Wegɔné Ma Lɛrɛ 2:5

I sɔle an lɛ vɔ an ma gyɛ nya, Amalé ’i an fuu dɔ an ta dɔrɔporo gato nya, ’I plɛplɛ nɔ an lɛ pɔmeyili poro nya.

Wegɔné Ma Lɛrɛ 4:13

I a bélé féi lé ana fɛnu gɔn bɔ, a zo; grénadéyilinu ana; Yilinu lé wo poro ke é zima, wana, ’Bɛ valé troɛneyili valé nariyili nya.

Wegɔné Ma Lɛrɛ 4:16

Fudrɔɔ, ’i da, fu liéliéné, ’i da, ’Ka gié anlé féi ta, yé a gin néné ’é nwɛɛn. — An sɔlɛzan ’i da ilé féi ma, Bé poro zima ble ma. —

Wegɔné Ma Lɛrɛ 5:16

A lagolo ma a néné saawo, É a mi faa ginanamazan nya. Jérusalɛm lomu, An sɔlɛzan, an bwɛ a yee ɛ zo. —

Wegɔné Ma Lɛrɛ 7:13

Bladi ko dan go lɛ dɔrɔ féi, Dé dɔrɔ punla nɛɛ? dé a vwinu bii? Dé grénadéyilinu vwinu bii? yé ko wo ye. ’Bɛna lé maa dan anlé sɔlɛle nagɔɔn lɛ i lɛ.

Wegɔné Ma Lɛrɛ 8:11

Salomɔn lé dɔrɔféi do a Baal‐Aamɔn; É a bɛ pa é leezannu lee. Wo faa do do sikla gɔɔli nɔ a lɛ wuru soru alé féi mafɛ nya.

Wegɔné Ma Lɛrɛ 8:12

Naa, anlé dɔrɔféi lé ke anzé nya, maa yuɛ pa a va anboan. Salomɔn, ilé sikla wuru soru ’é vo i lee, Yé féitabinzannu zé ’é kɛlɛ sikla wuru do. —

Wegɔné Ma Lɛrɛ 8:5

De ɛ ke sina bwi gi bɛ, ’Té é a é tɛnle é sɔlɛzan maa? — Maa i vuo pɔmeyili wuo, ’Bɛna lé i bu i yaa, ’Bɛna lé é i yaa, yé i yi vinin ye. —

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 4:6

yé ’é kɛlɛ furɔ nya é yiéyi kyɛyee lee, yé ’é kɛlɛ mi yɔɔna nya lɛɛ valé fu plɛplɛ lee.

Ézékiɛl 47:12

’Yiyoro ’ko gɔ fiénu ta, yili gɔnɔ faa lé wo poro éé baama, wo dan kɛlɛ lɛ ana. Wo laanu ma ’ka dan yuru lɛ pelo, yé wo poro ’ka dan nyaa lɛ wo ma pelo. Wo dan tana lɛ moné faa do do ma, ’yinu lé wo dan bɔra lɛ fɛna sauun na, wo pli zi. Wo poronu é dan kɛlɛ lɛ blefɛ nya, yé wo laanu é dan kɛlɛ lɛ lia nya.

Joɛl 1:12

Dɔrɔyililaanu tana, Bɔrɔyilinu kwéé, Grénadéyilinu koo, yɔnu koo, pɔmeyilinu koo, Féiyilinu faa koo, wo faa yuru, Ginanale nyaa munu méléna.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Weblezannu 9:15

Léliyiliné a zi pa yilinu lɛ léé: Dé ka bli tegele nya lé é sɔ ka lɛ léé, ka nyɔnɔ zén an nwiin ka nwiinzan nya, ’ka da, ’ka ta yɔɔ an furɔ va; dé ’bɛ kaan lo, kyɛ é dan bɔra lɛ léliyiliné gi yé é Liban lé sɛdrɛyilinu ble.