Wegɔné Ma Lɛrɛ 1:8 - Kazambale lé Sebe Sauunu 1979

⁸ Bii le lé i nɔnɔmi mini lomu faa ta, dé i ’ka ’bɛ gi dɔɔa lo na, ’I ’blanu pa bo, ’I bolinu blena kɛlɛ ’Blatabinzannu nyanana sɔnɔ. —

Wegɔné Ma Lɛrɛ 1:8 ပူးပေါင်းရင်းမြစ်များ

Lɛrɛvɔ Sɛbɛ 16:3

Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

Lɛrɛvɔ Sɛbɛ 45:11

An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

Lɛrɛvɔ Sɛbɛ 45:13

Munu lé wo fua ble é baba, wo dan da lɛ blɛnu nya Tii tɛrɛla blɛnzan lɛ léé, a bli ’é kɛlɛ wo ma é zin.

Wegɔnévɔlenu 8:34

Mi lé éé tɔné dɔa an lɛ, ’Té é ke é yuɛma yi faa do do ma anlé kɔnnu ’léé, ’Té éé yuɛ paan anlé duoli vɔiyili?-?nu va, ’bɛzan zé a néné.

Wegɔné Ma Lɛrɛ 1:15

I a é nɔnɔmi, an bwɛ, i a é nɔnɔmi é baba; I yuɛ a bélé plala zo. —

Wegɔné Ma Lɛrɛ 2:10

An sɔlɛzan we fe an lɛ yé é lé an lɛ léé: An bwɛ nɔnɔmi, ’i nwa, ’i da.

Wegɔné Ma Lɛrɛ 4:1

I a é nɔnɔmi, an bwɛ, i a é nɔnɔmi é baba; I yuɛ a bélé plawuo zo I yarayɔɔsɔ wuo. I nwiin nwun a bélé boli trubɛ palunu lé Wo ke Galaad gɔzunna, wo zo.

Wegɔné Ma Lɛrɛ 4:10

An buru, an bwɛ, ilé sɔlɛle a néné, Ilé sɔlɛle mini dɔrɔ ta, Ilé lasikɔrɔ gin a néné é mini zianbla ginzannu faa ta.

Wegɔné Ma Lɛrɛ 4:7

An bwɛ, i a é nɔnɔmi bɛ faa ma. Gun do kpen ’ka i ma lo.

Wegɔné Ma Lɛrɛ 5:9

Le lé a nɔnɔmi mini lomu faa la, i sɔlɛzan mini gɔné bɛnu lɛ kaa? I sɔlɛzan mini gɔné kyɛn ɛ ta Yé i bɛ gi vɔa ko lɛ a zoo?

Wegɔné Ma Lɛrɛ 6:1

Bi lé i nɔnɔmi mini lomu faa ta, I sɔlɛzan go kyɛɛn? I sɔlɛzan go kyɛnziaa? Ko dan pa lɛ i va, a ginile we gi. —

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

WENÉNÉ LE JAN A GYE (Évangile selon Jean) 21:15

Wolé fɛblele zuo, Jézu lé Simɔn Piɛri lɛ léé: Jonas be Simɔn, an sɔ i lɛ é mini an sɔ i bɔlunu ’konu lɛ fɛan zo, a taa? É lé a lɛ léé: Iin, Mizan, bé gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanénu lɛ.

1 Korent munu 11:1

’Ka an zuosona, bélé fɛan zo lé an Krist zuosonaan, a zo.

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

Ébrunu 13:7

Ka zilɛzannu lé wo Kazambale dére fe ka lɛ é vinin bɛ, wo sele ’é dɔ ka gi ma, wo wolé tɛrɛla nyaa fɛan zo, ’ka bɔn‐in bɔrɔ ’bɛ ma; kalé blipale ’é kɛlɛ bélé wozé zo ma.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

SEBE LÉ JAK A GYE (Épitre de Jacques) 2:21

Kaa tra Abraam é be Izak nɔ aan wo saraka lé wa kyɛ blé, a nya balebanna ta, a kɛlɛwenu ’ka alé we kɛlɛ lɛ tegele loo?

SEBE LÉ JAK A GYE (Épitre de Jacques) 2:25

É ziin, gɔné gini le Raab nwunvɔzannu si aan wo yé é wo pa zia zi bɛ ’léé, a kɛlɛwenu ’ka alé we kɛlɛ lɛ tegele loo?

SEBE LÉ JAK A GYE (Épitre de Jacques) 5:10

An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

1 Piɛri 3:6

bélé Sara lé é Abraam lɛdɔma yé é a laa ézan, a zo. Dé ka wezin kɛla, ’té kana do kpen ’ka ka gi lo, ’té ka kinin Sara lunu nya.