Wegɔné Ma Lɛrɛ 1:7 - Kazambale lé Sebe Sauunu 1979

⁷ Bii lé an bli bɔ i ma, Ilé ’blanu blena kɛlɛ kyɛɛn? I wolé yiéyi flinna kɛlɛ kyɛɛn? Bé fe an lɛ. Mɛmalé é a lé an kɛlɛ i bɔlunu lé trubɛnu sɔnɔ Bélé mi lé é zi saan, a zoo? —

Wegɔné Ma Lɛrɛ 1:7 ပူးပေါင်းရင်းမြစ်များ

Wepélisiananu 37:16

Jozɛfu lé a lɛ léé: Maa a an bwenu naginina. Fɛana lé wa trubɛ tabinna, bé fe an lɛ ma.

Lɛrɛvɔ Sɛbɛ 116:1

Gakelebale an dére maan, yé é anlé welaalenu maan, Amalé é sɔ an lɛ,

Lɛrɛvɔ Sɛbɛ 18:1

Gakelebale wuozan David lɛrɛ ’ko vɔle gɔɔn lɛrɛvɔmunu ’lɛzan lɛ. É lɛrɛ ’ko vɔ Gakelebale lɛ bléyian va lé Gakelebale a si a nyanézannu faa valé Saul lee. É léé:

Lɛrɛvɔ Sɛbɛ 28:1

David zé lé. Gakelebale, an siaan bii ɛ lɛ. Anlé gɔlɛgɔ, té i kɛlɛ tɔnéwiizan nya an dére ma lo, Dé i si an ma baa yé i ’ka an dére zi vɔ lɛ lo, An dan kɛlɛ lɛ bélé munu lé woo zunwo guru blɛn gi, wo zo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Wegɔné Ma Lɛrɛ 2:16

An sɔlɛzan a anzé nya, yé maa a yee ɛzé nya; Élé trubɛ blena kɛla bolu lé goonu méléna.

Wegɔné Ma Lɛrɛ 2:3

An sɔlɛzan a pɛniɛnu méléna Bélé pɔmeyili lé ke pɔrɔ gi yilinu méléna, a zo. É sɔ an lɛ léé, an nyana a furɔ va, Yé a poro a néné an lagolo ma.

Wegɔné Ma Lɛrɛ 5:10

An sɔlɛzan a fu, anlé gbamblɛgɔné; É mini gɔné baa soru ta.

Wegɔné Ma Lɛrɛ 5:16

A lagolo ma a néné saawo, É a mi faa ginanamazan nya. Jérusalɛm lomu, An sɔlɛzan, an bwɛ a yee ɛ zo. —

Wegɔné Ma Lɛrɛ 5:8

Jérusalɛm lomu, an bɛ gi vɔ ka lɛ, Dé ka an sɔlɛzan ye, Ka dan a fe lɛ a lɛ nɔɔ? ’Ka fe a lɛ léé, a lɔrɔ vɔ an ma gyɛ nya. —

Wegɔné Ma Lɛrɛ 6:2

An sɔlɛzan go élé féi, Élé flɛri ginzan féi, Fɛblele nɔle we ma élé trubɛnu lɛ féi, É valé bolu lé goo sole we ma.

Wegɔné Ma Lɛrɛ 6:3

Maa a an sɔlɛzan zé nya, yé an sɔlɛzan a anzé nya; Éé fɛblele no élé trubɛnu lɛ bolu lé goo gi.

Wegɔné Ma Lɛrɛ 8:13

Nyanaféitazan, An béénu woo tɔné dɔa i dére lɛ, Bé kɛlɛ, yé ’maa i dére ’ma ma.

Ézai 13:20

Mi ’ka dan nyana lɛ ana é dɛrɛ monomono lo. Munu ’ka dan kɛlɛ lɛ ana é dɛrɛ monomono lo. Arabunu ’ka dan wolé sɔkɔnnu dɔ lɛ ana lo. ’Blatabinmunu ’ka dan ’wolé trubɛnu yii lɛ ana lo.

Ézai 26:9

I lɔrɔ an boen gya béli tu la, An gi mi, an léli i ginian; Naa, dé i a we blena tɛrɛ la, Tɛrɛlamunu é dan we tegele dɔɔ lɛ.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 5:1

Lɛrɛ lé an sɔlɛzan a vɔ élé dɔrɔféi ma, maa dan a vɔ lɛ an sɔlɛzan lɛ. An sɔlɛzan lé dɔrɔféi ana, Gɔpané lé ana tɛrɛ ke é zima, ana.

Jérémi 33:12

Lai sunyanu lé Gakelebale léma: Fɛkona lé ke bwi nya, ’té munu valé winu ’ka ana lo, ’blatabinzannu nyanananu é dan kɛlɛ lɛ ana fla faa la, ’té woo wolé trubɛnu yiaan ana.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Piɛri 2:7

’Kaa lé ka bli vo Jézu lɛ, é a fɛwezan nya ka lee, naa, Kazambale lé sɛbɛ léma: Gɔlɛ lé kɔndɔzannu sɔn vɔ a ma, É kinin kɔnsungɔlɛ nya,

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.

RUT (Ruth) 2:21

Moab le Rut we taa fe yé é léé: É lé an lɛ é ziin léé, ’an vo ’é wuomunu va fɔɔ yé wo alé fɛgyɛle faa nyaa ma.