Wegɔné Ma Lɛrɛ 1:4 - Kazambale lé Sebe Sauunu 1979

⁴ ’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Wegɔné Ma Lɛrɛ 1:4 ပူးပေါင်းရင်းမြစ်များ

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Lɛrɛvɔ Sɛbɛ 119:32

’I anlé we ’male taa pa, ’Té an vlan buruwo ilé bélidɔwe sɔnnénu ta.

Lɛrɛvɔ Sɛbɛ 119:60

An goo, an ’ka mɔn‐o lo, Yé an tawo é kele ilé bélidɔwe sɔnnénu ta.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 48:9

We lé wa zuo fe yé ko a ’ma, yee lé ko ye, Lai sunyanu lé Gakelebale lé fla, Kolé Bale lé fla; Bale é dan Jérusalɛm dɔ lɛ gligli yifaama. Ka ye do.

Lɛrɛvɔ Sɛbɛ 63:5

Amalé maa dan i drɔɔ vo lɛ anlé tɛrɛla faa gi, Maa dan an bɛnu nwa lɛ i tɔ nya.

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Wegɔné Ma Lɛrɛ 4:10

An buru, an bwɛ, ilé sɔlɛle a néné, Ilé sɔlɛle mini dɔrɔ ta, Ilé lasikɔrɔ gin a néné é mini zianbla ginzannu faa ta.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

OZÉ (Osée) 11:4

An wo sia ana zin valé sɔlɛle nya, Maa a lɔrɔ pa an blin ma Yé maa fɛblele nɔ a lɛ.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 25:10

Wa gona aan wo a lɔ lɛ yé lesizan da. Wo lé wo ma ke é ’lɛrɛle, wo wɔra a va lesina fɛtikɛlɛkɔn gi yé wo kɔn lɛ tan.

WENÉNÉ LÉ LUK A GYE (Évangile selon Luc) 2:10

Naa, lanje lé wo lɛ léé: Té ka kana monomono lo; naa, wenéné lé é dan munu faa gi nana lɛ é baba, an da a fe lɛ ka lɛ.

WENÉNÉ LÉ LUK A GYE (Évangile selon Luc) 22:19

’Bɛ zuo, é buru si, yé Bale bɔvɔle zuo é a bɔi yé é a nɔ wo lɛ a fele nya léé: An kɔlɛ lé maa a nɔ kalé we ma, yee lé ke ’ko. ’Ka we ’ko kɛlɛ an sele dɔle ka gi we ma.

WENÉNÉ LE JAN A GYE (Évangile selon Jean) 12:32

Yé maa, dé wo an si yian ma tɛrɛ la yé wo an dun loru, maa dan mi faa gana lɛ an va.

WENÉNÉ LE JAN A GYE (Évangile selon Jean) 6:44

an Ti lé é an pa zia, dé é ’ka mi sia lɛ ana lo, mi do kpen ’ka bɔa dale lɛ an va lo; naa, mian é da an va, maa dan ’bɛzan nwa lɛ gamunu va yi voélazan nya.

Éfez munu 2:6

Yé ko a Jézu Krist gi, amalé é ko nwa gale va ékeva a nya, yé é ko nyana ékeva a nya fɛna lorunu na,

Éfez munu 6:24

Munu faa lé Kaazan Jézu Krist sɔ wo lɛ sɔlɛle bozen nya, Bale ’é zin kɛlɛ wo lɛ ma.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

Ébrunu 12:1

Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,