RUT (Ruth) 3:7 - Kazambale lé Sebe Sauunu 1979

⁷ Boaz fɛ ble yé é fɛ mini yé a gi nana. É go yia lɛ ’sazun zi zia. Rut da wɔɔɔ, é sɔ wuo vɔ a gane ma yé é yia.

RUT (Ruth) 3:7 ပူးပေါင်းရင်းမြစ်များ

Wepélisiananu 43:34

Fɛblele lé ke Jozɛfu ’lɛ, é a pa zia wozé nya. Yé Bɛnjamɛn zé mini wozé ta gɔnɔ soru. Yé wo dɔrɔ mini, yé wo gi nana a va.

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

1 Minwiinzannu 21:7

Yé a na Jézabɛl lé a lɛ léé: Bian i ke é plale Izraɛl nwiin loo? ’I nwa, ’i fɛ ble, i gi ’é nana; maa dan Jizréɛl mi Nabɔt lé dɔrɔféi nɔ lɛ i lɛ.

Esitɛɛ 1:10

Miblale sɔrafié ana, woo minwiinzan blɛn Asuérus lé nyanama paan. Méuman koo, Bizta koo, Aabona koo, Bigita koo, Abagita koo, Zétaa koo, Kaaka koo, woo lé. Minwiinzan blɛn dɔrɔ minile sia é bɔ a yi sɔrafiézan ma, ’té nwɛ a a gyɛna yé a gi nana.

Lɛrɛvɔ Sɛbɛ 104:15

Yé nwɛ lé éé mi gi nanaan, Yee valé nyɔnɔ lé éé mi yara kɛla yɔrɔyɔrɔ, éé wo bɔraan, É valé buru lé éé mi dɔa plɛplɛ, wo nya.

Bale Lé We Gifezan 10:19

Woo fɛ blé zanagyɛle we ma, dɔrɔ éé mi gi nanaan, yé gɔɔli éé we faa lɛ sɔɔan.

Bale Lé We Gifezan 2:24

We lé ke é zin blami zé nya, yee lé ke léé, ’é fɛ ble, ’é fɛ mini, a gi ’é nana fɛ zinnu ma alé nyanamapa bléyi va; maa ye léé, ’bɛ é ziin, ’bɛ éé sié Kazambale va.

Bale Lé We Gifezan 8:15

Amalé an ginanale tɔ bɔ, naa, fɛblele koo, fɛ minile koo, ginanale koo, ’bɛ saa ɛ ke wezin nya blami zé nya tɛrɛ la, azama; fɛnu lé é a yé élé nyanama mafɛ nya alé tɛrɛlayinu lé Kazambale a nɔ a lɛ, wo gi, wo lé ke bɛ.

Bale Lé We Gifezan 9:7

’I go, ’ilé fɛ ble ginanale nya, ’ilé nwɛ mini ginanale nya; naa, Kazambale i kɛlɛwe nyi si é kyɛn.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Weblezannu 16:25

Wo gi nanale zi wo léé, ’wo Samsɔn laa léé, ’é zana gyɛ ’wo lɛ. Wo Samsɔn si bokɔn gi yé é zana gyɛ wo lɛ. Wa dɔ kɔnwɛyili méléna.

Weblezannu 19:22

Wo gi a é nanale bléyian va, bé ye, flamunu, mi vɔnlenu, wo kɔn zi lɛ sɔɔ yé wo duoli gyɛ, yé wo lé kɔnzan, gɔné kwa, lɛ léé: Gɔnézan lé é da i va, bé bɔra ’ko, kolé a dɔɔle gɔné nya we gi.

Weblezannu 19:6

Yé wo nyana yé wo fiénu fɛ ble yé wo fɛ mini ékeva. A zuo le boroné ti lé a zana lɛ léé: ’I yii é ziin, yé i gi ’é nana.

Weblezannu 19:9

A lu zana nwa gole we gi é na valé é wuozan nya; naa, a na ti, le boroné ti lé a lɛ léé: Bé ye, nyanadi pa, yiri bɔ baa, amalé ’i yii; bé ye, yiri bɔ pɔrɔ la, ’i yii ’ko yé i gi ’é nana; tɛlɛ, ’ka nwa bladi tutu yé ’ka zi sia yé i go ilé sɔkɔn ’léé.

RUT (Ruth) 3:6

É go ’sa sunwona yé we lé a zana bu a fe a lɛ é a faa kɛlɛ.

RUT (Ruth) 3:8

Tu la, gɔné ’ko gi nyɛ blɛn kini. É nwa yé é a nagini, ’té le do a é yiale a gane ma.